ونىڭ تارتىپتىك ءىسىن قاراۋ بارىسىندا ورەسكەل زاڭبۇزۋشىلىقتاردىڭ ورىن العانى انىقتالدى. اتاپ ايتقاندا, شەنەۋنىك قىزمەت بابىن پايدالانا وتىرىپ, اۋىل شارۋاشىلىق وندىرىستىك كووپەراتيۆتەرىنە تيەسىلى قاراجاتتى اكەسىنە, ودان قالدى تۋعان-تۋىستارىنا قىلداي ەتىپ ءبولىپ بەرگەن. وسىلايشا 3 ملن 96 مىڭ تەڭگەنى شۇلەن تاراتقانداي ۇلەستىرىلگەن.
تاعى بىرنەشە لاۋازىمدى قىزمەتكەردى مەملەكەتتىك قىزمەتشى اتىنا كىر كەلتىرگەن ءىس-ارەكەتى ءۇشىن لاۋازىمىنان شەتتەتۋ جونىندە شەشىم قابىلداندى.
اقجار اۋداندىق اۋىل شارۋاشىلىعى ءبولىمىنىڭ باسشىسى ءابدىجاپار قيمانوۆ اسىل تۇقىمدى مال وسىرۋمەن اينالىساتىن فەرمەرلەرگە سۋبسيديا بەرۋ تۋرالى قۇجاتقا ەكى رەت قول قويىپ, ءبىر جىلدىڭ ىشىندە 1 ملن 800 مىڭ تەڭگەنى قولدارىنا ۇستاتىپ جىبەرگەن. ول شتاتتا ماماندار جەتىسپەيدى, جۇمىس جۇكتەمەسى كوپ, سۋبسيديا العاندارىن بىلمەدىم دەپ سان سىلتاۋ ايتقانىمەن, قىزمەتىنە تولىق ساي ەمەس دەگەن ۇيعارىم شىعارىلدى.
ءۋاليحانوۆ اۋداندىق اۋىل شارۋاشىلىق ءبولىمىنىڭ جەتەكشىسى ازامات جاۋاروۆقا دا قىزمەتىنە تولىق ساي ەمەستىگى بەتىنە باسىلدى. ول 13 شارۋاشىلىققا زاڭسىز سۋبسيديا بولگەن.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
