23 قىركۇيەك، 2011

قىزمەت كورسەتۋگە جاڭاشا كوزقاراس

210 رەت كورسەتىلدى
بۇعان دەيىن جەرگىلىكتى اتقارۋشى ورگان­نىڭ قۇزىرىندا بولعان حالىققا قىزمەت كورسەتۋ ورتالىقتارى وسى جىلدىڭ ناۋرىز ايىندا ۇكىمەت قاۋلىسىمەن بايلانىس جانە اقپارات مينيسترلىگىنىڭ باقىلاۋىنا بەرىلگەن بولاتىن. وسى ماقساتتا مينيسترلىك جانىنان حقكو جۇمىسىن ۇيلەستىرۋ جانە مەملەكەتتىك قىزمەت­تەردى اۆتوماتتاندىرۋدى باقىلاۋ جونىندە كوميتەت قۇرىلدى. كوميتەتكە جۇكتەلگەن نەگىزگى مىندەتتەر اقپا­راتتاندىرۋ سالاسىندا مەملەكەتتىك سايا­ساتتى جۇزەگە اسىرۋ، مەملەكەتتىك قىزمەت­تەردى اۆتوماتتاندىرۋ، مەملەكەتتىك قىزمەت­تەردى اۆتوماتتاندىرۋدا مەملەكەتتىك ورگاندار مەن جەرگىلىكتى اتقارۋشى ورگانداردىڭ قىزمەتىن باقىلاۋ، زاڭدى جانە جەكە تۇل­عالارعا مەملەكەتتىك قىزمەت كورسەتۋلەردى ۇسىنۋدا، ونىڭ ىشىندە ەلەكتروندى نۇسقادا، حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ بولىپ تابىلادى. مينيسترلىك حالىققا قىزمەت كورسەتۋ ور­تا­لىقتارىندا «ءبىر تەرەزە» قاعيداسى بويىن­شا ۇسىنىلاتىن قىزمەت تۇرلەرىن جەتىلدىرۋ، الەۋمەتتىك ماڭىزداعى جانە حالىق اراسىندا ۇلكەن سۇرانىسقا يە قىزمەت تۇرلەرىن اۆتوماتتاندىرۋ جۇمىستارىن ءجۇر­گىزۋدى جوسپارلاپ وتىر. بۇل ءىستى جۇزەگە اسىرۋعا الماتى قالاسى تۇركسىب اۋدانىنىڭ حالىققا قىزمەت كورسەتۋ ورتالىعى بارىنشا اتسالىسۋدا. بايلانىس جانە اقپارات مينيسترلىگى حالىققا قىزمەت كورسەتۋ ورتالىعىندا كەزەككە تۇرۋعا call-ورتالىعى نەمەسە ينتەرنەت ارقىلى برونداۋ جۇيەسىن ەنگىزۋدە. ياعني 1414 تەلەفونىنا قوڭىراۋ شالۋ ارقىلى تۇرعىندار call-ورتالىعىنىڭ وپەراتورلارى­نان «ەلەكتروندى ۇكىمەت» جۇمىسىمەن قاتار، حالىققا قىزمەت كورسەتۋ ورتالىق­تارىنىڭ جۇمىسى تۋرالى دا اقپاراتتىق كەڭەس الا الادى. بۇعان قوسا مەملەكەتتىك وتەماقى­لاردى «ەلەكتروندى ۇكىمەتتىڭ» تولەم ءشليۋزى نەمەسە بانك كارتوچكاسى ارقىلى تولەۋگە مۇمكىندىك تۋادى. وڭتايلاندىرۋ جۇمىسىن جۇزەگە اسىرۋدا باعالاۋ جۇيەسى بويىنشا جوعارى ساناتتى مامانداردى جۇمىسقا تارتۋ، قىزمەتكەرلەردى وقىتۋ، بيزنەس جۇيەلەرىن ىسكە اسىرۋ جانە اۆتوماتتاندىرۋ جولىمەن حالىققا قىزمەت كورسەتۋ ورتالىقتارى قىز­مەتىندە كورىنىس تاپقان سىبايلاس جەمقورلىق دەڭگەيىن ازايتۋ ماسەلەلەرى دە باستى نازاردا بولادى. «ەلەكتروندى ۇكىمەت» باعدارلاماسىن قالىپتاستىرۋ جانە دامىتۋ شەڭبەرىندە جۇزەگە اسىرىلىپ وتىرعان ەلەكتروندى-ساندىق قولتاڭبامەن ۇيدە ينتەرنەت جۇيەسى ارقىلى كەز كەلگەن جىلجىمايتىن م ۇلىككە قاتىستى انىقتاما الۋعا بولادى. بۇل ءىس ۇكىمەتتىڭ www.egov.kz سايتى ارقىلى جۇزەگە اسىرىلادى. ەلەكتروندى انىقتاما­لاردى الۋ ءۇشىن ۇلتتىق كۋالاندىرۋ ورتالىعى تالاپتارىن ساقتاي وتىرا تىركەلىپ، ەلەكتروندى-ساندىق قولتاڭبا الۋ قاجەت. www.egov.kz ۇكىمەت سايتىندا، «ەلەكترون­دى قىزمەتتەر» بولىمىندە تىركەلگەننەن نەمەسە تىركەۋ راستالعاننان كەيىن اتى-ءجونى، جەكە كۋالىكتىڭ دەرەكتەرى، زاڭدى تۇلعانىڭ اتاۋى، جسن، قىزمەت ءتۇرى، جىلجىمايتىن م ۇلىك نىسانىنىڭ ءتۇرى تۋرالى مالىمەتتەر ءتىزىمىن كورسەتە وتىرىپ، ساۋال جىبەرۋ كەرەك. ساۋال تۇسكەننەن كەيىن، 5-10 مينۋتتىڭ ىشىندە تىركەۋشى ورگان ءوتىنىش بەرۋشىنىڭ ساۋالى نەگىزىندە «جىلجىمايتىن م ۇلىك تىركەلىمى» مەملەكەتتىك دەرەكقورىنان ەلەكتروندى تۇردە مالىمەت ۇسىنادى. ەگەر دە ءوتىنىش ءبىلدىرۋشى «جىلجىمايتىن م ۇلىك تىركەلىمى» مەملەكەتتىك دەرەكقورىنان مالىمەتتى الۋ ءۇشىن حقكو-عا نەمەسە تىركەۋشى ورگانعا جۇگىنەتىن بولسا، دايىن ەلەكتروندى قۇجات قاعاز جۇزىندە باسىلىپ بەرىلەدى. ەلەكترون­دى اقپاراتتىق قىزمەت تۇرلەرى نىسانىن­داعى دەرەكتەر قىزمەت ءتۇرى كورسەتىلگەن ساتكە جارامدى بولىپ تابىلادى ول ءۇشىن حالىققا قىزمەت كورسەتۋ ورتالىعىنان نەمەسە ۇلتتىق كۋالاندىرۋ ورتالىعىنىڭ www.pki.gov.kz سايتى ارقىلى ەسق الۋعا ءوتىنىم جاساۋعا جانە ەلەكتروندى پوشتا ارقىلى ەسق كىلتتەرىن الۋعا بولادى. بۇگىنگى كۇنى «ەلەكتروندى ۇكىمەتتىڭ» پورتالى ارقىلى شاعىن كاسىپكەرلىك سۋبەكتىسى بولىپ تابىلاتىن جانە قالىپتى جارعى نەگىزىندە ءوز ءىسىن جۇرگىزىپ وتىرعان زاڭدى تۇلعانى تىركەۋگە بولادى. اتالعان قىزمەت اۆتوماتتاندىرىلعان. «ەلەكتروندى ۇكىمەت» زاڭدى تۇلعالاردى تىركەۋدە وڭتايلى جاعداي جاساۋدا. بۇل ءوز ءىسىن جاڭادان باستاعالى تۇرعان كاسىپكەرلەرگە وپەراتيۆتى تۇردە ءوز كاسىبىن تىركەۋگە مۇمكىندىك بەرەدى. زاڭدى تۇلعانىڭ مەملەكەتتىك تىركەۋگە تۇرعانى تۋرالى كۋالىكتى 1 كۇننىڭ ىشىندە الۋعا بولادى. «ەلەكتروندى ۇكىمەت» پورتا­لى ارقىلى ءوتىنىم بەرۋگە بىرەر مينۋ­تىڭىزدى جۇمسايسىز. ءوتىنىمدى تولتىرۋ كەزىندە جىلجىمايتىن م ۇلىكتى تاڭدايسىز، تولتىرىلعان مەكەن-جاي كەيىن تىركەلگەن كومپانيانىڭ زاڭدى مەكەن-جايى بولىپ ەسەپتەلەدى. جىلجىمايتىن م ۇلىك اۆتومات­تى تۇردە مدق-داعى جىلجىمايتىن م ۇلىك تىركەلىمىنەن تەكسەرىلەدى. ەگەر جىلجىماي­تىن م ۇلىك كومپانيا باسشىسىنىڭ نەمەسە قۇرىلتايشىسىنىڭ جەكە مەنشىگى بولىپ ەسەپتەلسە، ءبىرىنشى كەزەكتە، جىلجىمايتىن م ۇلىك تۋرالى سۇرانىم جولداۋ كەرەك. بۇدان كەيىن، وتىنىمدە زاڭدى تۇلعانىڭ بارلىق رەكۆيزيتتەرى (اتاۋى، كاسىپ ءتۇرى، شتاتى، جارعىلىق كاپيتالى) كورسەتىلەدى. تىركەۋ كۋالىگىن تىركەۋشى ورگاننان الاسىز. قازىرگى ۋاقىتتا بۇل قىزمەت ءتۇرى ەلەكتروندى نۇسقادا بارلىق تۇلعالار ءۇشىن كورسەتىلەدى. بايلانىس جانە اقپارات مينيسترلىگى جىلدىڭ سوڭىنا دەيىن سۇرانىسقا يە مەملەكەتتىك قىزمەت كورسەتۋ ۇدەرىستەرىن تالداپ، وڭتايلاندىرۋدىڭ ءىس-شارالارىن ازىرلەۋدە. كەزەكتە جەر ۋچاسكەسىنە جەكە مەنشىك قۇقىق بەرۋ اكتىسى، سوتتالماعاندىعى جونىندەگى انىقتاما، اسكەري ەسەپكە الۋ جانە شىعارۋ، بالاباقشاعا بالالاردى تىركەۋ، جىلجى­مايتىن م ۇلىككە تەحپاسپورت بەرۋ جانە ت.ب. قىزمەت تۇرلەرى بار. جاقىن ارادا ورتالىق جۇمىسىن اۆتو­مات­­تاندىرۋ ارقىلى ازاماتتارعا قۇجات بەرۋ ءىسى بارىنشا جەڭىلدەتىلەدى. وسىلايشا، اعىمداعى جىلدىڭ اياعىنا دەيىن تۇرعىندار­دى تىركەۋ، جەكە كۋالىكتەر مەن تولقۇ­جاتتاردى بەرۋ قىزمەتتەرى وڭتايلاندىرى­لىپ، ورتالىق عيماراتتارىنداعى ۇزىن-سونار كەزەكتەردى ازايتۋ ءۇشىن تەلەفون نەمەسە ينتەرنەت جەلىسى ارقىلى كەزەكتى برونداۋ قىزمەتى ەنگىزىلەتىن بولادى. سونداي-اق مەملەكەتتىك تولەمدەردى «ەلەكتروندى ۇكىمەت» نەمەسە بانكتىڭ تولەم كارتوچكاسى ارقىلى جاساۋ كوزدەلگەن. ورازحان وكسىكباەۆ، الماتى قالاسى تۇركسىب اۋداندىق حالىققا قىزمەت كورسەتۋ ورتالىعىنىڭ  ديرەكتورى.
سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار