فوتو: قما
جەدەل-ىزدەستىرۋ ءىس-شارالارى بارىسىندا كەلەس جانە ورداباسى اۋداندارى اۋماعىندا ورنالاسقان 3 جاسىرىن تسەحتىڭ جۇمىسى اشكەرەلەنىپ, توقتاتىلدى.
زاڭسىز ءوندىرىس جالپى اۋدانى 500 شارشى مەتردەن اساتىن نىسانداردا ۇيىمداستىرىلىپ, كۇن سايىن شامامەن 20 ادام جۇمىسقا تارتىلعان.
تىيىم سالىنعان ونىمدەر ەلىمىزدىڭ بارلىق وڭىرىنە جۇيەلى تۇردە تاراتىلىپ وتىرعان.
«زاڭسىز اينالىمنان 1 ملن-نان استام دايىن ءونىم, 30 توننا تەمەكى, 2 ملن قاپتاما پاكەتى, ءتۇرلى حوش يىستەندىرگىشتەر مەن ۋلى حيميالىق قوسپالار, سونداي-اق وندىرىستىك ارنايى جابدىقتار تاركىلەندى. تاركىلەنگەن شيكىزات كولەمى شامامەن 60 ملن دانا تەمەكى ءونىمىن وندىرۋگە جەتكىلىكتى بولعان», دەلىنگەن اگەنتتىك تاراتقان حابارلامادا.
سوت سانكتسياسىمەن زاڭسىز قىزمەتتەن تۇسكەن قاراجاتقا ساتىپ الىنعان كۇدىكتىلەرگە تيەسىلى ەكى اۆتوكولىكتى پايدالانۋعا تىيىم سالىنعان.
