كوميتەت مالىمەتىنشە, تەكسەرۋ اياسىندا مەديتسينالىق ۇيىمنىڭ قىزمەتىنە اۋديت جۇرگىزىلىپ, دارىلىك پرەپاراتتار مەن مەديتسينالىق بۇيىمدارمەن ۇزدىكسىز قامتاماسىز ەتۋ ماسەلەسى جان-جاقتى زەردەلەنەدى. ۆەدومستۆو وكىلدەرى اتالعان جاعداي كوميتەت باسشىلىعىنىڭ جەكە باقىلاۋىندا ەكەنىن اتاپ ءوتتى.
قوستاناي وبلىسى دەنساۋلىق ساقتاۋ باسقارماسىنىڭ اقپاراتىنا سايكەس, قازىرگى ۋاقىتتا رۋدنىي قالالىق كوپبەيىندى اۋرۋحاناسى بولىمشەلەرى حالىققا مەديتسينالىق كومەك كورسەتۋ ءۇشىن قاجەتتى دارىلىك زاتتارمەن جانە مەديتسينالىق بۇيىمدارمەن جەتكىلىكتى كولەمدە قامتاماسىز ەتىلگەن.
تەكسەرۋ ناتيجەسى بويىنشا حالىققا ساپالى ءارى ۋاقتىلى مەديتسينالىق كومەك كورسەتۋ ماقساتىندا كوميتەت ءتيىستى شارالار قابىلدايتىنىن مالىمدەدى.
