فوتو: gov.kz
قايىرحان تۇتقىشباەۆ جۇمىس ىستەپ تۇرعان مۇناي وڭدەۋ زاۋىتتارىن جوسپارلى تۇردە كەڭەيتۋ 2030 جىلعا قاراي ديزەل وتىنىنىڭ تاپشىلىعىن جويۋعا مۇمكىندىك بەرەتىنىن, ال 2033 جىلى ءتورتىنشى زاۋىتتى ىسكە قوسۋ اۆياكەروسينگە دەگەن قاجەتتىلىكتى تولىق وتەيتىنىن جانە ك5 ستاندارتىنداعى جوعارى ساپالى مۇناي ونىمدەرىن ەكسپورتقا شىعارۋدى قامتاماسىز ەتەتىنىن حابارلادى.
سونىمەن قاتار قاشاعان كەن ورنىندا گاز وڭدەۋ قۋاتىن ارتتىرۋ جۇمىستارى جۇرگىزىلىپ جاتىر. 2026 جىلدىڭ سوڭىندا گوز-1-ءدىڭ ىسكە قوسۋ ارقىلى جىلىنا 2,5 ملرد تەكشە مەتر تاۋارلىق گاز وندىرىلەدى. مۇناي-گاز حيمياسى سەكتورىندا باستى نازار تەرەڭ وڭدەۋگە باعىتتالعان. پوليەتيلەن, بۋتاديەن جانە كارباميد شىعارۋ جونىندەگى جوبالاردى جۇزەگە اسىرۋ شيكىزاتپەن سالىستىرعاندا ءونىم قۇنىن 20 ەسەگە دەيىن ارتتىرۋعا مۇمكىندىك بەرەدى. 2026 جىلى پاۆلودار وبلىسىنداعى الكيلات وندىرەتىن زاۋىتتىڭ قۇرىلىسى ودان ءارى قارقىندى تۇردە جالعاسادى, بۇل ەلىمىزدىڭ ىشكى قاجەتتىلىكتەرىن 100% قامتاماسىز ەتەدى.
ولجاس بەكتەنوۆ: ازاماتتاردىڭ تابىسىن ارتتىرۋعا باسا نازار اۋدارىلادى
مەملەكەت باسشىسىنىڭ تاپسىرماسىن ورىنداۋ اياسىندا 2026-2033 جىلدارى ەلىمىزدە قۋاتى جىلىنا 10 ملن توننا بولاتىن جاڭا ءموز-ءدىڭ تەحنيكالىق-ەكونوميكالىق نەگىزدەرىن ازىرلەۋ, جوبالاۋ, سالۋ جانە ىسكە قوسۋ بويىنشا جۇمىستارىن جۇزەگە اسىرا وتىرىپ, قايتا وڭدەۋ قۋاتىن جىلىنا 40 ملن تونناعا دەيىن جەتكىزۋ كوزدەلگەن.
9 ءىرى جوبا تولىق ىسكە قوسىلعاندا ءوندىرىس كولەمى ەسەلەپ ارتادى
«كەڭەيتۋ جوبالارى مۇناي ونىمدەرىنىڭ تاپشىلىعىن كەزەڭ-كەزەڭىمەن ازايتۋعا مۇمكىندىك بەرەدى. 2033 جىلى ءتورتىنشى زاۋىت ەسەبىنەن اۆياكەروسين تاپشىلىعى جويىلىپ, كورشى ەلدەرگە ججم ەكسپورتى باستالادى. جۇمىس ىستەپ تۇرعان زاۋىتتاردا قايتا وڭدەۋ ۇلەسى 94%-عا دەيىن وسەدى, ال وتىن ساپاسى ك5 ستاندارتىنا دەيىن ارتادى», دەدى قايىرحان تۇتقىشباەۆ.
