«استانا» اتىن يەمدەنگەن زەينەتاقى جۇيەسىندەگى جاڭا قور سالىمشىلار اماناتىن اقتاي الا ما؟

ەلىمىزدىڭ جيناقتاۋشى زەينەتاقى جۇيەسىنە جاڭا يميدجگە يە ويىنشى  «استانا» جي­ناق­تاۋشى زەينەتاقى قورى» اق قوسىلعانىنا دا كوپ بولا قويعان جوق. نارىقتىڭ ەكى قاتىسۋشىسىنىڭ بىرىگۋى ناتيجەسىندە قۇرىلعان «استانا» جي­ناق­تاۋشى زەينەتاقى قورى ۇستىمىزدەگى جىل­دىڭ تامىز ايىندا عانا ىسكە كىرىستى. وسىعان قاراماستان, «ەۋرا­زيالىق جيناقتاۋشى زەينەتاقى قورى» اق پەن «امانات-قازاقستان جزق» اق بىرىگۋى ناتيجەسىندە پايدا بولعان «استانا» جزق» اق العاشقى ايدىڭ وزىندە تابىس­­­­­­­تىلىعى جاعىنان ەلىمىزدەگى زەي­نەت­اقى قورلارىنىڭ الدىنا شىققان. بۇل تۋرالى جانە وزگە دە ەلدەگى زەي­نەت­اقى جۇيەسىندەگى جاڭالىقتار تۋرالى جۋىردا وتكەن ءباسپاسوز ءماسليحاتىندا كەڭىنەن ءسوز بولدى. وسى ارادا ەلىمىزدە بىرىككەن زەي­نەتاقى قور­لارى ءالسىز قورلاردى «جۇ­تىپ» قويعانىن ايتا كەتۋ قاجەت. ءبا­سەكەلەستىك ورتادا بۇل قالىپتى جاع­داي. ۋاقىت جيناقتاۋشى زەينەتاقى قور­لارىن ءوز ەكشەۋىنەن وتكىزىپ جات­قا­نىنا سالىم­شىلار دا كۋا بولۋدا. ءبۇ­گىندە زەينەتاقى قورلارىنىڭ بىرىگۋى توسىن وقيعا ەمەس, سالىمشىلار ءۇشىن ولار­دىڭ قىزمەتىنىڭ اشىقتىعى مەن سەنىمدىلىگى كوكەيكەستى بولىپ وتىر. دەگەنمەن, بىردەن-اق كوشباسشىلىق قاعيدانى ۇستانعان جاڭا زەينەتاقى قو­رى جۇمىسىن ينۆەستيتسيالىق تابىستى­لىق­پەن باستاپ وتىرعانى بۇقارالىق اقپارات قۇرالدارىنىڭ (باق) وكىلدەرى تاراپىنان ۇلكەن قىزىعۋشىلىق تۋعى­زۋدا. دەمەك, بۇل كەلەشەكتە سالىم­شى­لاردىڭ مۇددەسىن وياتادى. قىسقاسى, تامىز ايىندا «استانا» قورىنداعى سالىمشىلاردىڭ زەينەت­اقى جيناقتارىنىڭ ينۆەستيتسيالىق كىرىسى (ك2-12) 7,52 پايىزدى قۇرادى. ال نا­رىق­تاعى ورتاشا كورسەتكىش – 5,05 پايىز. نارىقتاعى ەكى قاتىسۋشىسىنىڭ بىرىگۋى بىردەن-اق «استانا» قورىنىڭ سا­لىم­شىلارىنىڭ سانىن ەلىمىزدەگى زەي­نەت­اقى جۇيەسىندەگى ءتورتىنشى ورىنعا شىعارعان. قازاقستان باقىلاۋ كوميتەتى مالىمەتتەرى دە اتالمىش قور نا­رىق­تىڭ ءىرى قاتىسۋشىسى دەڭگەيىنە كوتە­رىل­گەنىن ايعاقتايدى. ياعني, 01.08.2011 جىل­دىڭ جاعدايى بويىنشا قوردىڭ اك­تيۆتەرى 128 ميللياردتان استام تەڭ­گەنى, سالىم­شىلار سانى 547 مىڭ ادام­دى قۇراعان. سونداي-اق قوردىڭ بەدەلىن كوتەرىپ, كوشباسشىلىق رولگە يە بولۋ ءۇشىن اكتسيونەرلەر تۇپكىلىكتى وزگەرىستەرگە با­رىپ وتىرعانىن ايتا كەتكەن ءجون. رەبرەدينگتى جۇزەگە اسىرۋ ناتيجەسىندە قۇرىلعان «استانا» اتاۋى دا جاڭا قور­عا ۇلكەن جاۋاپكەرشىلىكتەر جۇكتەيدى. ەلوردانىڭ اتىن يەمدەنگەن قور سا­لىمشىلاردىڭ سەنىمىنەن شىعا الا ما؟ مۇنى كەلەشەك كورسەتەدى دەسەك تە, ءبۇ­گىن ەڭبەك ەتىپ, ەرتەڭ ونىڭ زەينەتىن كورۋگە ۇمىتتەنىپ وتىرعان سالىمشىلار ەلدەگى جيناقتاۋشى زەينەتاقى قور­لا­رى­نىڭ بارلىق ارەكەتىنەن حاباردار بو­لىپ, اقي­قاتقا قۇرىلعان اقپارلار الىپ وتى­رۋعا قۇقىلارى بار. ءباسپاسوز ءماسليحاتى كەزىندە «استانا» قورى ديرەكتورلار كەڭەسىنىڭ ءتور­ايىمى, «ورتالىق ازيا وتىن-ەنەر­گە­تيكالىق كومپانياسى» اق پرەزيدەنتى گۇلنارا ارتامباەۆا: – «استانا» قورىنىڭ ستراتەگياسىن انىقتاۋداعى باستى فاكتور بىرىگۋ يدەيا­سى بولعان. سەبەبى ەكى قوردىڭ سا­لىم­شىلارى ءبىزدىڭ كليەنتتەرىمىزدىڭ سانىن قۇرايدى. بيزنەستىڭ وپەراتسيالىق قۇ­­رام­داسىنداعى ەكى كوماندا, ەكى تاريحي جەكە باعىت بىرىككەندىكتەن, ءبىزدىڭ مىندەتىمىز جاڭا قورعا سول ەكى قۇ­­رى­لىم­نىڭ وڭدى تاجىريبەسىن, ولارعا ءتان ەڭ جاقسى قاسيەتتەردى ەنگىزىپ, سالىم­شى­­لار مۇددەسى ءۇشىن ولاردى كوبەيتۋ بول­دى. قارقىندى دامۋدىڭ ناتيجەسىندە بۇگىندە «الەم كارتاسى» دەڭگەيىنە جەتىپ, قازاقستاندىقتاردىڭ ورتاق ماقتا­نىشىنا اينالعان, ەلىمىزدىڭ جەتىستىك فيلوسوفياسىنىڭ ايقىن كورىنىسى بو­­لىپ تابىلاتىن ەلوردامىز استا­نا­نى قور­دىڭ سيمۆولى رەتىندە الدىق, – دەدى. گ.ارتامباەۆانىڭ ايتۋىنشا, بىرىكتىرىلگەن قوردىڭ رەبرەدينگى كومپا­نيا­نىڭ سىرتقى بەينەسى مەن اتاۋىن ءوز­گەر­تۋمەن شەكتەلمەيدى. قوردا قازىرگى زامانعى ءتيىمدى تەحنولوگيالىق شەشىمدەر ەنگىزىلۋدە. ولار سالىمشىلارعا قىز­مەت كورسەتۋدىڭ ساپاسىن ارتتىرىپ, سەنىمدى ارىپتەستىك قارىم-قاتىناس قۇ­رۋعا مۇمكىندىك بەرمەك. جۋرناليستەردىڭ جاڭا قورعا قا­تىس­تى ساۋالدارىنا تۇسىنىكتەمەلەر بەرگەن «استانا» جزق باسقارما ءتور­اعا­سى اندرەي كارياگين: – تامىز ايىندا ينۆەستيتسيالىق تابىستىلىق جۇيەسىندەگى ەڭ جوعارى كورسەتكىش – 7,5 پايىز دەڭگەيىنە كوتە­رى­لۋ قوردىڭ باستاپقىدا تاڭدالعان ءجا­نە جان-جاقتى ويلاستىرىلعان ساپالى ين­ۆەستيتسيالىق ستراتەگياسىنىڭ لوگي­كالىق ناتيجەسى بولىپ تابىلادى, – دەدى. ا.كارياگين جاڭا قور اسا ما­ڭىز­دى ماسەلەلەرگە نازار اۋدارا وتىرىپ, ين­ۆەستيتسيالىق پورتفەلدىڭ مولدىرلىگى مەن باسقارۋ ناتيجەلەرىنىڭ بارىنشا تۇراقتى بولۋىن قامتاماسىز ەتۋدە جۇيەلى ءتا­سىلدەردىڭ بارلىعىن قولدانا­تىندىق­تارىن اتادى. سول سياقتى سەنىمدى ستراتەگيالىق سەرىكتەستىك تە بۇل جەردە ۇلكەن ءرول ات­قار­ماق. وسى تۇرعىدان العاندا, «استانا» جزق» اق «سبەربانك» ەب» اق-پەن بىرەگەي ستراتەگيالىق سەرىكتەستىك تۋ­را­لى مامىلەگە كەلگەن. بۇل كەلىسىم ايا­سىن­دا قور سالىمشىلارى تالابى جوعارى كليەنتتەرىنە ءتۇرلى مۇمكىندىك تۋعىزىپ بەرەتىن بىرلەسكەن ونىمدەرگە قول جەتكىزبەك. اتاپ ايتقاندا, جىلدىق 10 پاي­ىز­بەن جانە 10 پايىزدىق ەڭ تومەنگى سا­لىم بارىسىندا 10 جىلعا بەرىلەتىن يپوتەكا «وندىققا تيگىز!» بىرەگەي ۇسى­نىستار پاكەتىنىڭ ءبىر بولشەگى بولىپ تابىلادى. دەمەك, قور سالىمشىسى «سبەربانك» ەب» اق كليەنتىنىڭ كار­تاسىن دا قوسىمشا يەلەنە الادى. – ءبىز ءۇشىن بىرەگەي سەرىكتەستىك جو­لىمەن ارەكەت ەتۋدىڭ ءمانى زور. ءوزى­مىز­بەن كوپتەگەن جىلدار بويى ىسكەرلىك قارىم-قاتىناس جاساپ جۇرگەن قوردىڭ اكتسيونەرى جانە ءبىزدىڭ سەرىكتەسىمىز «ورتالىق ازيا وتىن-ەنەرگەتيكالىق كوم­پانياسى» اق-تى ەرەكشە اتاپ ءوت­كىم كەلەدى. شىنايى ارىپتەستىككە نەگىزدەلگەن جوسپارلار ۇنە­­مى ستراتەگيالىق تۇرعى­دا توقتاۋسىز ۇل­عاي­ىپ تۇرۋىمەن سيپات­تالادى. وسى تۇر­عىدان العاندا, ءبىزدىڭ سەرىكتەسىمىزدىڭ جو­عارى بەدەلى, كورپوراتيۆتىك مادەنيەتىنىڭ ۇقساستىعى «سبەر­بانك» ەب» اق-تىڭ بۇكىل كو­مان­داسى ءۇشىن وتە جاقسى ۇلگى بولىپ وتىر, – دەيدى «سبەربانك» ەب» اق باسقار­ما­ توراعاسى ولەگ سميرنوۆ. سونىمەن, ەلىمىزدەگى زەينەتاقى ءجۇ­يەسىندە پايدا بولعان جاڭا قوردىڭ جوسپارلارى مەن كەلەشەگىن «ورتا ازيا­­لىق وتىن ەنەرگەتيكا كومپا­نيا­سى» اق پرەزيدەنتى گۇلنارا ارتامباەۆا قورىتىندىلادى. – ءبىز ءۇشىن زەينەتاقى بيزنەسى – ۇزاق مەرزىمدى ءوسىمنىڭ رەسۋرسى جانە ءتيىمدى بيزنەسى بولىپ تابىلادى, – دەگەندى العا تارتقان ارتامباەۆا حانىم «استانا» جزق» اق نارىققا ۇزاق مەرزىمگە جانە سەنىمدى دە ساليقالى جۇمىس ىستەۋگە كەلگەنىن ايتادى. ايناش ەسالي, الماتى.