23 قىركۇيەك، 2011

قىزىلاعاشتاعى وقيعا بويىنشا كىنالىلەر جاۋاپقا تارتىلدى

204 رەت كورسەتىلدى
پروكۋراتۋرا ورگاندارىنىڭ قى­زىلاعاش سۋ قويماسىنىڭ جارىلۋ دە­رەگى بويىنشا قوزعالعان قىل­مىس­تىق ءىس جونىندە سوتتاردىڭ زاڭدى شەشىم شىعارۋىنا ىقپال ەتكەن شارالارىنا توقتالعالى وتىرمىز. 2010 جىلعى ناۋرىز ايىنىڭ 11-ىنەن 12-ىنە قاراعان ءتۇنى، الماتى وبلىسى، اقسۋ اۋدانى، قىزىلاعاش اۋىلىنىڭ تاۋ شاتقالىندا ورنا­لاس­قان سۋ قوي­­­ماسى، وسىعان جاۋاپتى لاۋازىمدى ادامداردىڭ سالاق­تى­عى­نان جارىلىپ، ودان اققان توسىن سۋ قىزىلاعاش اۋىلىنىڭ تۇرعىندا­رى­نىڭ تۋ سىر­تى­نان ۇرىپ، سونىڭ سال­دارىنان 45 ادام، ونىڭ ىشىندە 15 بالا قايتىس بول­عانى جانە اسا ءىرى مولشەردە ماتە­ريالدىق زالال كەل­تىرىلگەنى ءمالىم. اتالعان دەرەك بويىنشا 2010 جى­لى تامىزدا «قىزىلاعاش» سۋ قوي­­­ماسىنىڭ باسشىسى ق. بەكەەۆ، ونىڭ ورىنباسارى م. ءجۇنىسوۆ قر قك-ءنىڭ 232-بابىمەن، اقسۋ اۋدانى اكىمىنىڭ ورىنباسارى ب.تىنىشباەۆ، قىزىل­اعاش اۋىلدىق وكرۋگىنىڭ اكى­مى ە.ءجۇ­­نىسوۆ، اۋداندىق توتەنشە وقي­عالار جونىندەگى ءبولىم باستىعى ق.بايزاقوۆ قر قك-ءنىڭ 316-بابى 2-بولىگىمەن، وبلىس اكىمشىلىگى سۋ رە­س­ۋرس­تارى كو­ميتەتىنىڭ بۇرىنعى باس­تى­عى ا.سابيروۆ قر قك-ءنىڭ 308-با­بى 3-بولىگىمەن جانە وبلىستىق ءتو­تەن­شە وقيعالار جونىندەگى دەپارتامەنت باستىعىنىڭ ورىنباسارى ە. ەنين قر قك-ءنىڭ 381- بابى 2-ءبو­لى­گى­مەن ايىپتالىپ، تال­دى­قورعان گار­ني­­­زونىنىڭ اسكەري سو­تىنا جولداندى. 2011 جىلى 9 اقپاندا اسكەري سوت­­­تىڭ ۇكى­مى­مەن ق. بايزاكوۆ قر قك-ءنىڭ 316-با­بى 2-بولىگىمەن 3 جىل باس بوستاندىعىنان ايىرۋعا، قر قك-ءنىڭ 63-بابىنىڭ نەگىزىندە شارتتى تۇردە 2 جىلعا سوتتالىپ، وعان 3 جىلعا دەيىن مەملەكەتتىك قىزمەتكە ورنا­لا­سۋ­عا تيىم سالىنعان. ال، ق. بەكەەۆ جانە م. ءجۇنىسوۆ قر قك-ءنىڭ 232-بابىمەن 5 جىل باس بوستاندىقتارىنان ايىرىلىپ، ولار جازالارىن كولونيا قونىستاردا وتە­ۋى بەلگىلەنگەن. ولار 3 جىلعا دەيىن بەلگىلى ءبىر لاۋازىمداردى اتقا­رۋ قۇقىعىنان ايىرىلدى. وسى سوت ۇكىمىمەن ا.سابيروۆ قر قك-ءنىڭ 308-بابى 1-بولىگىمەن كىنالى دەپ تانىلا وتىرا، قر قك-ءنىڭ 69- با­بى 1-بولىگىمەن ەسكىرۋ مەرزىمىنىڭ وتۋىنە بايلانىستى قىلمىستىق جا­ۋ­­اپتىلىقتان بوساتىلعان. سونىمەن قاتار، ە.ەنين قر قك-ءنىڭ 381-بابى 1-بولىگىمەن جانە ب.تى­نىشباەۆ قر قك-ءنىڭ 316-با­بى­نىڭ 2-بولىگىمەن اقتالعان. اتالعان سوت ۇكىمىنە وبلىس پرو­كۋ­راتۋراسى 2011 جىلى 23 اقپاندا اقتالعان ە.ەنين مەن ب.تى­نىش­باەۆ­قا قاتىستى اقتاۋ ۇكىمىنىڭ كۇشىن جويىپ، قىلمىستىق جاۋاپكەرشىلىككە تارتۋ جانە ق.بايزاقوۆقا تاعاي­ىندالعان جازا تىم جەڭىل بول­عان­دىق­تان وعان باس بوستاندىعىنان ايى­رۋ جازاسىن قولدانۋ تۋرالى اپەل­لياتسيالىق نارازىلىق كەلتىرگەن. 2011 جىلى 12 ساۋىردە قىل­مىس­تىق ءىس قر اسكەري سوتىنىڭ اپەل­ليا­تسيالىق ساتىسىندا قارالىپ، وبلىس پروكۋراتۋراسىنىڭ اپەللياتسيالىق نارازىلىعى قاناعاتتاندىرىلماي، سوت ۇكىمى وزگەرىسسىز قالدىرىلعان. وسىدان كەيىن، بۇل سوت اكتىلەرىنە قر باس پروكۋراتۋراسى جوعارىدا كورسەتىلگەن نەگىزدەر بويىنشا قر جوعارعى سوتىنىڭ قاداعالاۋ ال­قا­سىنا قاداعالاۋ تارتىبىندە نارازى­لىق ەنگىزگەن. 2011 جىلى 13 قىر­كۇي­­ەكتە اتالعان قىلمىستىق ءىس قر جوعارعى سوتىندا قارالىپ، اقتال­عان ە.ەنين مەن ب.تىنىشباەۆقا قا­تىستى اقتاۋ ۇكىمىنىڭ جانە ق.باي­زاقوۆقا تا­عا­ي­ىن­دالعان جازا زاڭ تالاپتارىنا سايكەس كەلمەيتىندىگىنەن ۇكىمنىڭ كۇشى جو­يىلىپ، ءىستى قايتا باسقا سوت قۇ­را­مىندا قاراۋعا جولدانىپ، نارازىلىق تولىعىمەن قاناعاتتاندىرىلدى. مارات قايىبجانوۆ، باس پروكۋراتۋرانىڭ دەپارتامەنت باستىعى، اعا ادىلەت كەڭەسشىسى.
سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار