كىشى فەستيۆال اقش ەلشىلىگىنىڭ قولداۋىمەن «ەۋرازيا» كينوفەستيۆالى اياسىندا ءوتتى

سوڭعى جىلدارى قا­زاق­­ستانداعى اقش ەلشىلىگى ەلى­­مىزدىڭ كينەماتوگرافيا سا­لاسىنداعى مادەني شا­را­لار­دى وتكىزۋگە اتسا­لى­سىپ ءجۇر. بۇعان دالەل رەتىندە VII حالىقارالىق «ەۋرازيا» كينوفەستيۆالى اياسىندا اقش-تىڭ قا­زاق­ستان­داعى ەلشىلىگىنىڭ قولداۋىمەن امەريكا دەرەكتى فيلم­دەرىنىڭ فەستيۆالى وتكەنىن ايتۋعا بولادى. – «ەۋرازيا» كينوفەستيۆالى اياسىندا وتكىزىلىپ كەلە جاتقان دەرەكتى فيلمدەردىڭ كورسەتىلىمى – ەكى ەل اراسىنداعى ىنتىماق­تاس­تىقتىڭ مىسالى. مۇنداي مادەنيەتارالىق الماسۋلار جونىندەگى باع­دارلاما ارقاشان ەلشىلىكتىڭ ماڭىزدى جۇمىستارىنىڭ ءبىرى بو­لىپ تابىلادى, – دەيدى اقش-تىڭ قازاقستانداعى ەلشىسىنىڭ ءما­دە­نيەت, باق, ءبىلىم جونىندەگى كەڭەسشىسى دجەفري سەكستون. بۇل ءسوزدى ول امەريكا دەرەكتى فيلمدەرىنىڭ فەستيۆالىنىڭ اشىلۋىنا وراي الماتىداعى «الماتى تاۋەرس» بيزنەس-ورتالىعىندا وتكەن ءباسپاسوز ءماسليحاتىندا ايتتى. بۇل جيىنعا امەريكالىق رەجيسسەر الەكساندرۋ روتارۋ, كينو مامانى دايەن كارسون, اقش-تىڭ قازاقستانداعى ەلشىسىنىڭ مادەنيەت, ءباسپاسوز جانە ءبىلىم جونىندەگى كەڭەسشىسى دجەفري سەكستون, اقش ەلشىلىگىنىڭ مادەنيەت جونىندەگى اتتاشەسى سيۋزان كاستەر جانە «ەۋرازيا» حالىقارالىق كينوفەستيۆالىنىڭ ارت-ديرەكتورى گۇلنار ابىكەەۆا قاتىستى. جەرگىلىكتى جۋرناليستەر وسى كەزدەسۋ بارىسىندا «كامەرا ۇس­تا­عان بالالار» ءفيلمىنىڭ رەجيسسەرى الەكساندرۋ روتارۋ مەن ءتا­جى­ريبەلى كينوتانۋشى دايەن كارسونمەن سۇحباتتاستى. ولار «ەۋرازيا-2011» فەستيۆالىنە قۇرمەتتى قوناق رەتىندە قاتىسۋدا. كينوفەستيۆال اياسىندا وتكەن كىشى كينوفەستيۆال قازاقستان ۇكىمەتىنىڭ, الماتى قالاسى اكىمدىگىنىڭ, «قازاقفيلم» كينوستۋ­ديا­سى­نىڭ جانە قازاقستان كينەماتوگرافيستەر وداعىنىڭ قولداۋىمەن ۇيىمداستىرىلدى. بۇل فيلمدەر ازاماتتىق قۇقىقتار, سوعىس ارداگەرلەرىنە مەدي­تسي­نالىق قىزمەت كورسەتۋ, قورشاعان ورتانى قورعاۋ جانە ءسوز بوستان­دىعى سياقتى سان الۋان تاقىرىپتاردى قامتيدى. ءبىر ايتا كەتەتىن جايت, امەريكالىق رەجيسسەرلار مەن كينەماتوگرافيا سالاسىنىڭ بىلگىرلەرى بيىل جىل بويى گرەكيادا, وزبەكستاندا, ءۇندىستاندا, بانگلادەشتە جانە الەمنىڭ باسقا دا ونداعان ەلدەرىندە بولىپ, اقش دەرەكتى فيلمدەرىنىڭ فەستيۆالىنە قاتىسادى ەكەن. اقش-تىڭ قازاقستانداعى ەلشىلىگى كورەرمەندەرگە «ءبىز ءالى وسىندا تۇرامىز», «امەريكاداعى ەڭ قاۋىپتى ادام», «ءوز كوزىڭە ءوزىڭ سەن», «كامەرا ۇستاعان بالالار», «مۇقاباداعى قىز», «نيگەر’66» فيلمدەرىن ۇسىندى. فيلمدەر الماتىداعى Silk Way City كينوتەاترىندا ورىس تىلىندەگى سۋبتيترلارمەن ءجۇردى. ايناش ەسالي. الماتى.