قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №14-1/340

2011 جىلعى 17 ماۋسىم,   استانا قالاسى مەملەكەتتىك ورمان قورى ۋچاسكەلەرىندە اعاش كەسۋ مەن سۇرەك دايىندالعان ورىندارىن كۋالاندىرۋ ەرەجەسىن بەكىتۋ تۋرالى «مەملەكەتتiك ورمان قورى ۋچاسكەلەرiندە ءوسiپ تۇرعان سۇرەكتi بوساتۋ ەرەجەسiن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2003 جىلعى 22 جەلتوقسانداعى № 1287 قاۋلىسىنا سايكەس, بۇيىرامىن: 1. قوسا بەرىلىپ وتىرعان مەملەكەتتىك ورمان قورى ۋچاسكەلەرىندە اعاش كەسۋ مەن سۇرەك دايىندالعان ورىندارىن كۋالاندىرۋ ەرەجەسى بەكىتىلسىن. 2. «مەملەكەتتىك ورمان قورى ۋچاسكەلەرىندە اعاش كەسۋ مەن سۇرەك دايىندالعان ورىندارىن سۇرەكتى كۋالاندىرۋ ەرەجەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتى توراعاسىنىڭ 2005 جىلعى 4 ساۋىردەگى № 92 (نورماتيۆتiك قۇقىقتىق اكتىلەردى مەملەكەتتiك تiركەۋ تiزiلiمiندە № 3621 تىركەلگەن, قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعىندا, 2006 ج. № 2, 200-قۇجات, جاريالانعان) بۇيرىعىنىڭ كۇشى جويىلدى دەپ تانىلسىن. 3. قازاقستان رەسپۋبليكاسى اۋىل شارۋاشىلىعى مينيسترلىگى تابيعات رەسۋرستارىن پايدالانۋ ستراتەگياسى دەپارتامەنتى زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن. 4. وسى بۇيرىق ءبىرىنشى رەت رەسمي جاريالانعاننان باستاپ ون كۇنتىزبەلىك كۇن وتكەن سوڭ قولدانىسقا ەنگiزiلەدi. مينيستر     ا.مامىتبەكوۆ. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2011 جىلعى «17» ماۋسىمداعى № 14-1/340 بۇيرىعىمەن بەكىتىلگەن مەملەكەتتiك ورمان قورى ۋچاسكەلەرiندە اعاش كەسۋ ورىندارى مەن دايىندالعان سۇرەكتi كۋالاندىرۋ ەرەجەسi 1. جالپى ەرەجەلەر 1. مەملەكەتتiك ورمان قورى ۋچاسكەلەرiندە اعاش كەسۋ ورىندارى مەن دايىندالعان سۇرەكتi كۋالاندىرۋ ەرەجەسi (بۇدان ءارi – ەرەجە) قازاقستان رەسپۋبليكاسى ۇكiمەتiنiڭ 2003 جىلعى 22 جەلتوقسانداعى №1287 قاۋلىسىمەن بەكiتiلگەن مەملەكەتتiك ورمان قورى ۋچاسكەلەرiندە سۇرەكتi تۇبiرiنەن بوساتۋ ەرەجەسiنە سايكەس ازiرلەندi جانە مەملەكەتتiك ورمان قورى ۋچاسكەلەرiندە اعاش كەسۋ ورىندارى مەن دايىندالعان سۇرەكتi كۋالاندىرۋدىڭ بiرىڭعاي ءتارتiبiن بەلگiلەيدi. ەرەكشە قورعالاتىن تابيعي اۋماقتاردى قوسا العاندا ورمان رەسۋرستارىن پايدالانۋدىڭ ايىرىقشا ءتارتiبi بەلگiلەنگەن ورمانداردا بۇل ەرەجە وسى ءتارتiپتi ەسكەرە وتىرىپ قولدانىلادى. 2. اعاش كەسۋ ورىندارى مەن دايىندالعان سۇرەكتi كۋالاندىرۋ 2. مەملەكەتتiك ورمان يەلەنۋشiلەر سۇرەك دايىنداۋ جۇمىستارى اياقتالعاننان كەيiن كەسپەاعاشتاردى يگەرۋدiڭ تولىمدىلىعى مەن دۇرىستىعىن انىقتاۋ, تولىق كەسiلمەي قالعان اعاشتاردى, تاسىپ اكەتiلمەگەن سۇرەكتi جانە سۇرەك دايىنداۋدى جۇزەگە اسىرۋ كەزiندە باسقا دا ءتارتiپ بۇزۋشىلىقتاردى انىقتاۋ ماقساتىندا مەملەكەتتiك ورمان قورى ۋچاسكەلەرiندە اعاش كەسۋ ورىندارى مەن دايىندالعان سۇرەككە كۋالاندىرۋ جۇرگiزەدi. 3. كۋالاندىرۋعا رۇقسات بەرۋ قۇجاتتارىندا كورسەتiلگەن تاسىپ اكەتۋ مەرزiمi اياقتالعان اعاش كەسۋدiڭ بارلىق ورىندارى جاتادى. سۇرەك دايىنداۋ مەن تاسىپ اكەتۋدi كەيiنگە قالدىرۋ مەرزiمi بەرiلگەن جاعدايدا وسى كەيiنگە قالدىرۋ مەرزiمi اياقتالعاندا قايتالاما كۋالاندىرۋ جۇرگiزiلەدi. 4. سۇرەك بوساتۋ كەزiندە ونى تاسىپ اكەتۋ باستالعانعا دەيiنگi مولشەرi ەسكەرiلە وتىرىپ, رۇقسات بەرۋ قۇجاتتارىندا كورسەتiلگەن ونى ۋاقىتشا جيناپ قويۋ ورىندارىندا دايىندالعان سۇرەك مولشەرiنە كۋالاندىرۋ جۇرگiزiلەدi. بۇل رەتتە ورتتەر بۇلدiرگەن ەكپەلەردە, سونداي-اق داۋىل مەن جەل قۇلاتقان اعاشتاردى جيناپ اكەتۋ كەزiندە كۋالاندىرۋ وسى سۇرەكتi ەسەپكە الۋ ۇيىمداستىرىلعان جاعدايدا تومەنگi قويمالاردا جۇرگiزiلۋi مۇمكiن. 5. اعاش كەسۋ ورىندارىن كۋالاندىرۋ سۇرەكتi تاسىپ اكەتۋ ءۇشiن بەلگiلەنگەن مەرزiم اياقتالعان كۇننەن باستاپ 30 كۇنتىزبەلىك كۇن iشiندە جۇرگiزiلەدi. 6. كۋالاندىرۋ اعاش كەسۋ ورىندارىندا انىقتالعان ءتارتiپ بۇزۋشىلىقتاردى دەر كەزiندە جويۋ جانە ورمان شارۋاشىلىعى iس-شارالارىن جۇرگiزۋ ماقساتىندا جۇمىستار اياقتالعان سوڭ تەحنيكا مەن جۇمىسشىلاردى باسقا وبەكتiلەرگە الىپ كەتكەنگە دەيiن جۇرگiزiلەدi. جۇمىستار رۇقسات بەرۋ قۇجاتىندا بەلگiلەنگەن مەرزiمنەن بۇرىن اياقتالعان جاعدايدا ورمان پايدالانۋ­شى جۇمىستاردىڭ اياقتالۋ مەرزiمi جايىندا ورمان يەلەنۋشiگە 10 كۇنتىزبەلىك كۇن بۇرىن حابارلايدى. ورمان يەلەنۋشi جۇمىستار اياقتالعاننان كەيiن 10 كۇنتىزبەلىك كۇن iشiندە كۋالاندىرۋ كۇنi جايىندا ورمان پايدالانۋشىعا جازباشا حابارلاپ, اعاش كەسۋ ورىندارىنا كۋالاندىرۋ جۇرگiزەدi. 7. كەسپەاعاشتاردىڭ يگەرiلۋiنە وبەكتيۆتi باعا بەرۋ ماقساتىندا (وسكiننiڭ ساقتالۋى, كەسپەاعاشتاردى تازارتۋ) كۋالاندىرۋ قارسىز كەزەڭدە وتكiزىلەدى. اۋا رايى جاعدايلارى قولايسىز بولعان كەزدەردە (قاردىڭ قالىڭ ءتۇسۋi, وزەندەردiڭ تاسۋى, جولدىڭ بۇزىلۋى) كۋالاندىرۋ ورمان پايدالانۋشىمەن كەلiسiم بويىنشا ورمان يەلەنۋشi بەلگiلەيتiن باسقا ۋاقىتقا اۋىستىرىلادى. 8. دايىندالعان سۇرەكتi نەمەسە اعاش كەسۋ ورىندارىن كۋالاندىرۋ كۇنi جايىندا ورمان يەلەنۋشi ورمان پايدالانۋشىعا نەمەسە ونىڭ وكiلiنە مەرزiم بەلگiلەۋدەن 15 كۇنتىزبەلىك كۇننەن كەشiكتiرمەي حابارلايدى. ورمان پايدالانۋشى نەمەسە ونىڭ وكiلi بەلگiلەنگەن مەرزiمدە كەلمەگەن جاعدايدا ورمان يەلەنۋشiنiڭ كۋالاندىرۋدى ونىڭ قاتىسۋىنسىز وتكiزۋىنە بولادى. بۇل رەتتە جاسالعان كۋالاندىرۋ اكتiسi ورمان پايدالانۋشىعا 10 كۇنتىزبەلىك كۇندە جiبەرiلەدi. 9. كۋالاندىرۋدى جۇرگiزۋ كەزiندە ورمان يەلەنۋشiنiڭ وكiلدەرiندە مىنالار بولۋى قاجەت: رۇقسات بەرۋ قۇجاتتارى (اعاش كەسۋ بيلەتتەرi) نەمەسە ولاردىڭ كوشiرمەلەرi جانە سۇرەك جيناپ قويىلعان ورىندار كورسەتiلە وتىرىپ, كۋالاندىرىلۋعا جاتاتىن ءاربiر كەسپەاعاشقا (مولدەككە) ارنالعان ابريستەر; ولشەۋ قۇرالدارى مەن اسپاپتارى (بۇرىش ولشەۋ اسپابى, ولشەۋ لەنتاسى, رۋلەتكا, ولشەۋ اشاسى); كەسپەاعاشتاردى ءبولۋ جانە تاكساتسيالاۋ ماتەريالدارى (اعاشتاردى قايتا ەسەپتەۋ ۆەدوموسى, كەسپەاعاشتاردى ماتەريالدىق-اقشالاي باعالاۋ ۆەدوموسى, كەسپەاعاش قورىن الدىن الا بەرۋ اكتiسi); كۋالاندىرۋ اكتiلەرiنiڭ, ورمان ءتارتiبiن بۇزۋشىلىقتار تۋرالى اكتiلەردiڭ, ءورت قاۋiپسiزدiگi ەرەجەلەرiن بۇزۋ تۋرالى حاتتامالاردىڭ, قايتا ەسەپتەۋ ۆەدوموستارىنىڭ, ماتەريالدىق-اقشالاي باعالاۋدىڭ بلانكiلەرi, سونداي-اق قاجەتتi كەستەلەر مەن پرەيسكۋرانتتار. 10. كۋالاندىرۋعا قاتىسۋشى ورمان پايدالانۋشىدا نەمەسە ونىڭ وكiلiندە مىنالار بولۋى قاجەت: زاڭدى تۇلعا ءۇشiن: ورمان پايدالانۋشىنىڭ وكiلiنە - ءوزiنiڭ اتىنا جازىلعان سەنiمحات; كاسiپورىن باسشىسى مەن باس بۋحگالتەر قول قويعان دايىندالعان سۇرەك (سونىڭ iشiندە كادەلiك) مولشەرi تۋرالى انىقتاما; رەسiمدەلگەن تەحنولوگيالىق كارتا; جەكە تۇلعا ءۇشiن: ورمان پايدالانۋشىنىڭ وكiلiنە – زاڭنامامەن بەلگiلەنگەن تارتiپپەن رەسiمدەلگەن ءوزiنiڭ اتىنا جازىلعان سەنiمحات; ورمان پايدالانۋشى قول قويعان دايىندالعان سۇرەك (سونىڭ iشiندە كادەلiك) مولشەرi تۋرالى انىقتاما; 11. ورمان يەلەنۋشiمەن تولىق ەسەپ ايىرىسۋ ءۇشiن قاجەت اعاش كەسۋ ورىندارىن جانە دايىندالعان سۇرەكتi كۋالاندىرۋ ناتيجەلەرi سونداي-اق, ونىڭ كۋالاندىرۋ كەزiندە جاساعان ەسكەرتپەلەر ورمان يەلەنۋشiنiڭ, ورمان پايدالانۋشىنىڭ وكiلدەرi جانە كۋالاندىرۋعا قاتىسۋشى بارلىق ادامدار قول قوياتىن اكتiگە ەنگiزiلەدi. سونىمەن قاتار كۋالاندىرۋ كەزiندە الىنعان دەرەكتەردەن باسقا ورمان پايدالانۋشى انىقتاماسىنىڭ دەرەكتەرi بويىنشا ناقتى دايىندالعان iسكەرلiك جانە وتىندىق سۇرەكتiڭ مولشەرi تۋرالى مالiمەتتەر ەنگiزiلەدi. انىقتامالار, قايتا ەسەپتەۋ ۆەدوموستارى, ابريستەر اكتىگە قوسا تiركەلەدi. 12. ورمان يەلەنۋشi كۋالاندىرۋ ناتيجەلەرi بويىنشا جيىنتىق دەرەكتەردi ستاتيستيكالىق ەسەپتiلiكتiڭ بەلگiلەنگەن نىسانىنا وراي ۆەدومستۆولىق باعىنىستىلىعىنا قاراي جوعارى تۇرعان ۇيىمعا ۇسىنادى. 13. ورمان پايدالانۋشىلارعا بولiنەتiن سۇرەك دايىنداۋ كولەمiن دۇرىس ورنالاستىرۋ ماقساتىندا ورمان يەلەنۋشiلەر ءاربiر جىلدىڭ 1 قاڭتارىنداعى جاعداي بويىنشا بارلىق ساناتتاعى ورمانداردا تولىق كەسiلمەي قالعان اعاشتاردى, كەيiنگە قالدىرۋ مەرزiمi بەرiلگەن كەسۋ اياقتالماعان كەسپەاعاشتاردى جانە وسىنىڭ الدىنداعى جىلدىڭ كەسۋ باستالماعان كەسپەاعاشتارىن, ال 1 مامىرعا سونداي-اق بەرiلگەن كەيiنگە قالدىرۋ مەرزiمiن ەسكەرە وتىرىپ, دايىندالعان, بiراق مەرزiمiندە تاسىپ اكەتiلمەگەن سۇرەكتi انىقتاپ, ونى كەزەكتi جىلدىڭ كەسپەاعاش قورىنا ەسەپتەۋگە مiندەتتi. 14. كۋالاندىرۋ ناتيجەلەرiنiڭ ەسەبi ءاربiر كەسپەاعاش (مولدەك) بويىنشا جۇرگiزiلەدi, ونىڭ دەرەكتەرi اعاش كەسۋ بيلەتiنە جەكە جولمەن ەنگiزiلەدi. كۋالاندىرۋعا سونداي-اق كەسپەاعاشتارمەن ارالاس 50 مەترلiك القاپتار جاتادى. 15. اعاش كەسۋ ورىندارىن كۋالاندىرۋ كەزiندە كەسپەاعاشتاردى يگەرۋدiڭ تولىمدىلىعى مەن دۇرىستىعى, كەسپەاعاشتاردى يگەرۋ تەحنولوگياسىنىڭ تەحنولوگيالىق كارتا مەن اعاش كەسۋ ەرەجەلەرiنە سايكەستiگi (كەسپەاعاشتار مەن سۇرەك سۇيرەتiپ شىعاراتىن جەرلەردiڭ ەنi, تيەۋ الاڭدارىن, قويمالاردى جانە باسقا دا قوسىمشا وبەكتiلەردi ورنالاستىرۋ, ورمان شارۋاشىلىعىن جۇرگiزۋ تالاپتارىن ساقتاۋ) انىقتالادى. كۋالاندىرۋ كەزiندە ءاربiر كەسپەاعاش بويىنشا مىنالار: كەسپەاعاش شەكاراسىنىڭ جانە وعان ارالاس جاتقان 50 مەترلiك القاپتىڭ جاي-كۇيi, سونداي-اق شەكارالىق, ورامدىق, كەسپەاعاشتىق جانە باسقا دا باعانداردىڭ ساقتالۋى; دايىندالعان سۇرەكتiڭ مولشەرi; تاسىپ اكەتiلمەگەن سۇرەكتiڭ بار-جوعى; تىيىم سالعان ۋاقىتتا دايىندالعان جانە بۇتاقتالعان سۇرەكتiڭ مولشەرi; قابىعى ارشىلماعان نەمەسە باسقا تاسiلدەرمەن قورعالماعان سۇرەكتiڭ بار-جوعى; تولىق كەسiلمەي قالعان اعاشتاردىڭ بار-جوعى; تۇقىمدىقتاردىڭ, تۇقىمدىق شوق اعاشتاردىڭ جانە القاپتاردىڭ, سونداي-اق كەسۋگە جاتپايتىن اعاشتاردىڭ ساقتالۋى; اسپالى اعاشتاردىڭ بار-جوعى; بيiك تۇبiرلەردiڭ بار-جوعى, اعاشتار دiڭدەرi مەن تۇبiرلەرiندە نومiرلەر مەن تاڭبالاردىڭ ساقتالۋى; وسكiندەردiڭ, جاس ەكپەلەردiڭ جانە ورمان داقىلدارىنىڭ ساقتالۋى; كەسپەاعاشتاردى تازارتۋ ساپاسى; توپىراق ەروزياسىنىڭ پايدا بولۋىنا اكەپ سوعاتىن وسiمدiك قاباتى تۇتاستىعىنىڭ بۇزىلۋى; ورمانداردى قالپىنا كەلتiرۋ iس-شارالارىن جۇرگiزۋ قاجەتتiگi جانە ولاردى ورىنداۋ مەرزiمدەرi انىقتالادى. ورماندى كۇتiپ-باپتاۋ ماقساتىندا كەسۋ جۇرگiزiلگەن ەكپەلەردi كۋالاندىرۋ كەزiندە ولاردى جۇرگiزۋ ساپاسىنا اعاش ءوسiرۋ باعاسى (اعاشتاردى كەسۋگە تاعايىنداۋدىڭ ۋاقتىلىعى, قارقىندىلىعى, نەگiزدەمەسi جانە تاعى دا باسقالار) بەرiلەدi, بۇل تۋرالى كۋالاندىرۋ اكتiسiنە بەلگi قويىلادى. كۋالاندىرۋ كەزiندە سونداي-اق اعاش تاسىلاتىن جولداردىڭ (ماگيسترالداردىڭ, جول تارماقتارىنىڭ, جول بولiكتەرiنiڭ) بويىندا تاستاپ كەتiلگەن سۇرەكتiڭ بار-جوعى انىقتالادى. 16. سۇرەكتi بوساتۋ كەزiندە مولشەرiن ەسكەرە وتىرىپ, كۋالاندىرۋ دايىندالعان سۇرەكتi ارالىق كۋالاندىرۋ اكتiلەرi بويىنشا ولاردى ۋاقىتشا جيناپ قويۋ ورنىنا تاسىپ اكەتكەنگە دەيiن جۇرگiزiلەدi. 17. ورمان پايدالانۋشىنىڭ انىقتاماسى مەن ارالىق كۋالاندىرۋ اكتiلەرi بويىنشا الىنعان دەرەكتەر اعاش كەسۋ بيلەتتەرiندەگi دەرەكتەرمەن سالىستىرىلادى جانە ناقتى دايىندالعان سۇرەكتiڭ بۇكiل مولشەرi ءۇشiن ورمان پايدالانۋشىنىڭ تۇپكiلiكتi ەسەپ ايىرىسۋىنا نەگiز بولىپ تابىلادى. 18. ورمان پايدالانۋشىلارمەن تۇپكiلiكتi ەسەپ ايىرىسۋ ءۇشiن: اعاش كەسۋ بيلەتتەرi; اعاش كەسۋ ورىندارىن كۋالاندىرۋ اكتiلەرi, دايىندالعان سۇرەكتiڭ مولشەرi تۋرالى انىقتامالار, سونداي-اق ناقتى دايىندالعان سۇرەكتiڭ مولشەرiن راستايتىن باسقا دا قۇجاتتار; تولەمدەردi قايتا ەسەپتەۋ جونiندەگi ماتەريالدار. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 19 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7073 بولىپ ەنگىزىلدى.