قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي "ازاماتتارعا ارنالعان ۇكىمەت" مەملەكەتتىك كورپوراتسياسى كە اق قىزىلوردا وبلىسى بويىنشا دەپارتامەنتتەرى «جۇرەگىم تولى مەيىرىم» تاقىرىبىندا قامقورلىق - قايرىمدىلىق جارمەڭكەسىن وتكىزدى.
وعان بارلىق اۋداندىق, قالالىق حقكو بولىمدەرىنىڭ قىزمەتكەرلەرى دايىنداعان قولونەر جانە زەرگەرلىك بۇيىمدارى, ۇلتتىق تاعامدار, توساپتار قويىلدى. قامقورلىق –قايىرىمدىلىق جارمەڭكەسىنەن تۇسكەن 500 مىڭ قاراجات ناۋقاسقا شالدىققان پيا ميرون مەن مۇراتبەك ادياتتىڭ (تۋا ءبىتتى مۇگەدەك) ەم الۋى ءۇشىن تابىستالدى.
سونىمەن قاتار, حالىققا قىزمەت كورسەتۋ ورتالىعىنىڭ «حالىق» باستاۋىش پارتيا ۇيىمى اتا – اناسىنان ايرىلعان 12 جاسار نۇرباقىت بەرىك ۇلىنا قامقورلىق جاسايدى. وسىعان بايلانىستى ن.بەرىك ۇلىنىڭ اتىنان ەسەپشوت اشىلىپ, وعان 18 جاسقا تولعانعا دەيىن قاراجات اۋدارىلىپ وتىر.
نۇرباحىتقا وسى ۋاقىتقا دەيىن «مەكتەپكە جول» اكتسياسى بويىنشا كيىم-كەشەك, وقۋ قۇرالدارى مەن اقشالاي قاراجات جانە سپورت كۇنىنە وراي ۆەلوسيپەد تابىستالعان. بۇگىنگى جارمەڭكەگە نۇرباحىت تا شاقىرىلىپ, ۇجىم اتىنان سىي-سياپات كورسەتىلدى.
قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ۇيىمداستىرىلىپ وتىرعان قامقورلىق – قايىرىمدىلىق جارمەڭكەسىندە حالىققا قىزمەت كورسەتۋ ورتالىعىنىڭ ماماندارى ارنايى فلەشموب ءبيىن دايىندادى.
