اۆستريادا سايلاۋ ۋچاسكەلەرى اشىلدى

اۆستريادا جەرگىلىكتى ۋاقىت بويىنشا تاڭعى ساعات 7:00-دە (استانا ۋاقىتىمەن ساعات 12:00-دە) سايلاۋ ۋچاسكەلەرى اشىلدى, دەپ حابارلايدى تاسس. رەسپۋبليكا بويىنشا ولاردىڭ جالپى سانى 10 مىڭدى قۇرايدى جانە 1504-ءى ۆەنادا ورنالاسقان. سايلاۋ ۋچاسكەلەرى جەرگىلىكتى ۋاقىتپەن كەشكى ساعات 17:00-دە جابىلادى. قايتادان وتكىزىلىپ جاتقان سايلاۋ باق تاراپىنان دا ەرەكشە قىزىعۋشىلىق تۋدىرىپ وتىر. رەسپۋبليكانىڭ ءىىم حابارلاۋىنشا, ارنايى ءباسپاسوز ورتالىعىنا 750 جۋرناليست تىركەلگەن. ونىڭ 500-ءى اۆستريالىق باق وكىلدەرى بولسا, قالعان 250-ءى شەتەلدىك جۋرناليستەر. ەستەرىڭىزگە سالا كەتسەك, سايلاۋعا الەكساندەر ۆان دەر بەللەن مەن نوربەرت حوفەر تۇسەدى. داۋىس بەرۋ باستالماس بۇرىن ەكى كانديدات حالىقتى سايلاۋعا بەلسەندى قاتىسۋعا شاقىردى. "سىزدەردىڭ سەنىمدەرىڭىز وتە قىمبات. مەن ونى ساقتاپ قالامىن. مەنىڭ بولاشاق ۇرپاق پەن وتانىمنىڭ الدىندا جاۋاپكەرشىلىگىم بار", دەدى حوفەر. ال الەكساندەر ۆان دەر بەللەن "اۋستريانىڭ بولاشاعى ۇشىن بىرىگىپ كۇش جۇمسايىق. ماعان پرەزيدەنت بولۋعا مۇمكىندىك بەرىڭىزدەر", دەدى.