جۋكوۆ "قايراتقا" اۋىستى

الماتىنىڭ «قايرات» فۋتبول كلۋبى جارتىلاي قورعاۋشى گەورگي جۋكوۆپەن اراداعى كەلىسىمشارتتى راسىمدەدى. ءۇش ەلدىڭ ازاماتتىعى بار فۋتبولشى رەسەيلىك «ۋرالدان» اۋىسىپ كەلدى, دەپ xابارلايدى قازاقپارات ءتىلشىسى. «قارسى الىڭىز, «قايرات» فۋتبول كلۋبىنىڭ جاڭا ويىنشىسى گەورگي جۋكوۆ ءۇش جىلدىق كەلىسىمشارتقا قول قويدى. قۇجاتتا فۋتبولشىنىڭ قازاقستاننىڭ ۇلتتىق قۇراماسى ءۇشىن ويناۋ شارتى دا قاراستىرىلعان», - دەپ جازدى كلۋبتىڭ باقىلاۋشى كەڭەسىنىڭ توراعاسى قايرات بورانباەۆ. بۇعان دەيىن 22 جاستاعى جارتىلاي قورعاۋشى رەسەيلىك «ۋرال» كلۋبىندا ويناعان. رەسەي چەمپيوناتىنتا ءتورت ماتچقا قاتىستى. الايدا كلۋب باسشىلىعىمەن كەلىسپەي, كەتىپ قالعان. ايتا كەتەيىك, سەمەيدىڭ تۋماسى جۋكوۆ بالا كەزىندە بەلگياعا كوشىپ كەتكەن. سول جەردە «بەەرسxوتا» مەن «ستاندارد» كلۋبتارىندا ونەر كورسەتتى. ال 2013 جىلى ەلگە ورالىپ, «استانا» كلۋبىندا ەكى جىل وينادى. 2015 جىلى گ.جۋكوۆ قازاقستاننىڭ ۇلتتىق قۇراماسى ساپىندا ەكى جولداستىق كەزدەسۋ وتكىزدى. الايدا بىرنەشە رەت بىرلەسكەن وقۋ-جاتتىعۋلاردان باس تارتقان. ال بەلگيالىق بۇقارالىق اقپارات قۇرالدارىنا بەرگەن ءبىر سۇxباتىندا ول رەسەي نەمەسە بەلگيا قۇراماسى ءۇشىن ويناعىسى كەلەتىنىن مالىمدەگەن.