قاي ۇزدىك جوبا شۆەيتسارياعا بارادى؟

شۆەيتساريالىق Seedstars World كومپانياسى قازاقستاندىق MOST بيزنەس-ينكۋباتورىمەن جانە “ۆەرنىي كاپيتال” كومپانيالار توبىمەن بىرىگىپ ايماقتارداعى كاسىپكەرلىكتى دامىتۋ ماقساتىندا ستارتاپتار كونكۋرسىن وتكىزىپ جاتىر, دەپ حابارلايدى Today.kz. ءبىر اي كولەمىندە ولار قازاقستاندىق جوبالاردى ىرىكتەدى. وعان ەلىمىزدىڭ بارلىق وڭىرىنەن 100 ستارتاپ قاتىستى. ونىڭ ىشىندە ەڭ ۇزدىك ون جوبا انىقتالدى: TopKSK - تۇرعىندارعا ارنالعان پلاتفورما. قىزمەتتىڭ ساپاسىن باعالاپ, شىعىنداردىڭ اشىقتىعىن قامتاماسىز ەتەدى. Diodey - IoT-ستارتاپ, ءموبيلدى قوسىمشا ارقىلى باسقارىلاتىن جارىقتاندىرۋ. Gift Sensor - سىيلىقتار ۇسىنۋعا ارنالعان سەرۆيس. الەۋمەتتىك جەلىدەگى پاراقشالارعا اناليز جاساپ, ادامعا قانداي سىيلىق جاساۋعا بولاتىنىن انىقتاپ بەرەدى. IRC Almaty - ۇيقىعا بولىنگەن ۋاقىتتى قاداعالاۋ ارقىلى دەنساۋلىقتى كۇتۋگە مۇمىندىك بەرەتىن جوبا. Kelin - ايەلدەرگە ارنالعان الەۋمەتتىك جەلى. قازىر 200 مىڭ پايدالانۋشىسى بار. Piroq - كولىك جۇرگىزۋدى باعالايتىن قوسىمشا. ەڭ ۇزدىك جۇرگىزۋشىگە كومپانيا سىيلىعى بار. Power WiFi - روۋتەر مەن ءموبيلدى قۋاتتاندىراتىن قۇرىلعى. Smart Satu - تاپسىرىس بەرۋشىلەر مەن جەتكىزۋشىلەردىڭ پلاتفورماسى. Smart Shelf Solutions -  دۇكەندەردەگى "اقىلدى" سورە. ساتىلىمدى باقىلاۋعا مۇمكىندىك بەرەدى. Smart Pay - تولەم جۇيەسى. وسى جوبالارىڭ بىرەۋى 6 ءساۋىر كۇن شۆەيتساريانىڭ لوزاننا قارلاسىندا 1 ميلليون دوللار ءۇشىن بولاتىن سايىسقا قاتىساتىن بولادى.