ماۋەلى شاڭىراقتار مەرەكەسى

س.مۇقانوۆ اتىنداعى كىتاپحانادا « ۇلى دالا ەلى – تاۋەلسىزدىكتىڭ 25 نەگىزى» اكتسياسى اياسىندا وتباسى قۇندىلىقتارىن ۇلىقتاۋعا ارنال­عان شارا ءوتتى. وندا ايماق باسشىسى ەرىك سۇلتانوۆ كوپ بالا ءتار­بيە­لەپ وسىرگەن «كۇمىس القا» جانە «التىن القا» يەگەرلەرىمەن, كاسىبي اۋلەتتەرمەن كەزدەسىپ, الدا كەلە جاتقان ايتۋلى مەرەكەمەن قۇتتىقتادى. – ەلباسى بالا تاربيەسىنە, اكە مەن شەشەنىڭ وتباسىنداعى رولىنە اركەز ۇلكەن كوڭىل ءبولىپ كەلەدى. بەرىك شاڭىراق – قوعامىمىزدىڭ ومىرشەڭدىگىنىڭ, تۇراقتىلىعىنىڭ كەپىلى. وتباسىندا عانا بالا ءوزىن با­رىن­­شا باقىتتى سەزىنەدى. تاع­دىر­دىڭ بار قيىندىعىنان ءسۇرىن­دىر­مەي الىپ شىعاتىن دا, ومىرگە قۇشتارلىق­تى قالىپتاس­تى­رىپ, شابىتتاندىرا­تىن دا – وتباسى», دەي كەلىپ, ەرىك حامزا ۇلى التى بالا تاربيەلەپ ءوسىر­گەن ءبىر توپ اناعا «كۇمىس القا» بەلگىسىن تاپسىردى. بۇگىندە وڭىردە 4,9 مىڭعا جۋىق كوپ بالالى انا تۇرادى. ولاردىڭ اتىنان ءسوز العان ەڭبەك ارداگەرى قىمبات يسمانوۆا جينالعاندارمەن جۇرەكجاردى لەبىزدەرىن ءبولىستى. «وتان وتباسىنان باستالادى. تەك ىرگەسى بەرىك شاڭىراقتا عانا دەنى ساۋ, قابىلەتتى بالا تاربيەلەنەدى. ەلىمىزدە جەتىم جانە اتا-انانىڭ قام­قورلىعىنسىز قالعان بالالارعا دا جان-جاقتى كومەك كورسەتىلەدى», دەسە, «لەۆين» جەكە كاسىپكەرلىگىنىڭ ديرەكتورى ەلەنا لەۆينا ءتورت بالا وسىرگەنىن, ءۇش نەمەرەنىڭ اجەسى ەكەنىن, ولاردىڭ جەتىستىكتەرى قۋانىش پەن مەرەيگە بولەيتىنىن جەتكىزدى. جيىندا بالالاردى اسىراپ الۋ, قامقورشىلىق پەن قورعانشىلىققا, پاتروناتتىققا الۋ جيىلەپ كەلە جاتقانى دا ايتىلدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى