فوتو GETTY IMAGES
قىتايدا 21 جىل بۇرىن ەڭ اۋىر جازاعا كەسىلىپ, ولتىرىلگەن ادامدى اقتايتىن سوت شەشىمى شىقتى. بۇل تۋرالى ۆۆس News حابارلايدى. حەبەي پروۆينتسياسىنىڭ تۇرعىنى نيە شۋبين 1995 جىلى ايەل زورلاپ, ءولتىردى دەگەن ايىپ بويىنشا كىنالى تابىلىپ, 20 جاسىندا اتىلىپ كەتكەن. بۇگىن جوعارعى سوت نيە ءشۋبيننىڭ كىناسىن دالەلدەيتىن فاكتىلەر جەتكىلىكسىز دەگەن شەشىم شىعاردى. 20 جىلدان اسا ۋاقىت بويى نيەنىڭ جازىقسىز اتىلعانىن دالەلدەۋ ءۇشىن كۇرەسكەن جاقىندارى وزدەرىن قولداعان ادامدارعا العىس ايتتى. ءبىر ايتا كەتەرلىگى, 11 جىل بۇرىن ەكى ايەلدى ولتىرگەن ۆان شۋجين ەسىمدى سوتتالۋشى وسى قىلمىستى ءوزى جاساعانىن مالىمدەگەن ەكەن. بىراق سوت ونىڭ سوزىنە قاپەرگە الماعان. ۆۆس-ءدىڭ حابارلاۋى بويىنشا, قىتاي سوتتارى قىلمىستىق ىستەردىڭ 99 پايىزىنا اشىلدى دەپ ۇكىم شىعارادى. جىلىنا مىڭداعان ادام ءولىم جازاسىنا كەسىلەدى, بىراق ولاردىڭ سانى مەملەكەتتىك قۇپيا بولىپ سانالادى. قىتايدا cوت شەشىمدەرىنىڭ قايتا قارالىپ, سوتتالۋشىنىڭ اقتالۋى وتە سيرەك كەزدەسەدى. 2014 جىلى ىشكى موڭعوليا پروۆينتسياسىندا 18 جىل بۇرىن سوت ۇكىمى بويىنشا ولتىرىلگەن ءجاسوسپىرىم اقتالدى. مارقۇمنىڭ اكە-شەشەسىنە 30 000 يۋان (1 500 000 تەڭگە) تولەنىپ, ول ىسكە جاۋاپتى 27 لاۋازىمدى تۇلعا جازالاندى. ۆۆس-ءدىڭ پەكيندەگى ءتىلشىسىنىڭ ايتۋىنشا, نيە شۋبين ءىسى قىتايداعى ەڭ اتىشۋلى ىستەردىڭ ءبىرى بولعان.
ناي شۋبين
ۆان شۋجين
