پرەزيدەنت جۇمىسشى جاستاردى قۇرمەتتەۋگە شاقىردى

بۇدان كەيىن نۇرسۇلتان نازارباەۆ بىلاي دەدى. «الەمدە بارلىق نارسە جۇمىسشى قولىمەن جاسالادى. ءبىز كومپيۋتەر الدىندا وتىرمىز. الايدا, استىق سەبەتىن, جينايتىن, نان پىسىرەتىن, تەمىر قورىتاتىن – جۇمىسشىلار. ولار ماشينا جۇرگىزەدى, ۇيلەردى سالادى, جوندەيدى, زاۋىتتار تۇرعىزادى. مەنىڭ ايتپاعىم, كەز كەلگەن ەكونوميكا جۇمىسشىلاردىڭ ارقاسىندا داميدى. سوندىقتان جۇمىسشى جاستارعا قۇرمەت كورسەتەيىك». مەملەكەت باسشىسى جەتى جىل بۇرىن باستالعان «ديپلوممەن اۋىلعا» باعدارلاماسى تۋرالى اڭگىمەلەدى. «ءبارى اۋىلدان قالاعا قونىس اۋدارعان كەزدەر بولدى. بۇل بۇكىل الەمدە بار پروتسەسس: ۇلكەن قالالار ادامداردى وزىنە تارتادى. الايدا, بىزدەگى جاعداي باسقاشا. قۇنارلى جەرلەرى, 40 ميلليون گەكتار ەگىس القابى, 290 ميلليون گەكتار جايىلىمدىق جەرلەرى بار قازاقستان بۇكىل الەمدى ورگانيكالىق ونىمدەرمەن قامتي الادى. تۇرعىندار سانى ءوسىپ كەلەدى, اۋىلشارۋاشىلىعى ونىمدەرىنە سۇرانىس وسكەن ۇستىنە وسە بەرەدى. ياعني اۋىل شارۋاشىلىعىنا سۇرانىس تا ۇلعايا بەرەدى. ويتكەنى, قالاي بولعاندا دا, ادامعا ارقاشان كۇنىنە ءۇش مەزگىل تاماق ءىشۋى كەرەك. وسى سەبەپتى بىزدە اۋىل شارۋاشىلىعىنىڭ بولاشاعى زور» دەدى پرەزيدەنت.