نۇرسۇلتان نازارباەۆ استانادا ءوتىپ جاتقان رەسپۋبليكالىق جاستار فورۋمىنا قاتىسىپ, قازاقستان جۇرتىن بۇگىنگى مەيراممەن قۇتتىقتادى.
«تۇڭعىش پرەزيدەنت كۇنى مەيرامىندا جانە ەلىمىزدىڭ ۇلى مەيرامى – قازاقستان تاۋەلسىزدىگىنىڭ 25 جىلدىعى قارساڭىندا بۇگىن جينالعان جاستاردى جانە بۇكىل قازاقستان جاستارىن فورۋمنىڭ اشىلۋىمەن قۇتتىقتايمىن. بۇگىنگى كۇن حالقىمىزدىڭ تاريحىنا دەموكراتيالىق سايلاۋدا العاش رەت مەملەكەت باسشىسى سايلانعان ۇلى كۇن رەتىندە كىردى» دەدى ەلباسى فورۋمعا قاتىسۋشىلارعا.
30 قاراشا جانە 1 جەلتوقسان كۇندەرى استانادا رەسپۋبليكالىق جاستار فورۋمى وتەدى. فورۋم تاۋەلسىزدىك جىلدارى قازاقستان جاستارىنىڭ جەتىستىكتەرىن كورسەتۋگە ارنالادى.
بۇگىن تاۋەلسىزدىك سارايىنا پرەزيدەنتپەن كەزدەسۋگە ەلىمىزدىڭ تۇكپىر-تۇكپىرىنەن مىڭنان اسا جاس جينالدى.
فوتو ەرلان وماروۆ
