قارشىعا ۇستايمىن دەپ قولعا ءتۇستى

جۋىردا اقتوبە وبلى­سى­نىڭ شالقار اۋدانىنا قا­راس­تى اششىبۇلاق وڭىرىنەن سي­ريا رەسپۋبليكاسىنىڭ ازا­ماتى قولعا ءتۇستى. پوليتسەيلەر الدىن الا تەرگەۋ بارىسىندا شەتەلدىك ازامات پەن الماتى وبلىسىنىڭ ەڭبەكشىقازاق اۋ­دانىنداعى بايسەيىت اۋىلى­نىڭ 21 جاستاعى تۇرعىنىنىڭ زاڭسىز اڭشىلىق جاساپ ءجۇر­گەندىگى انىقتالدى. «وحوتزووپروم» مەكەمەسىنىڭ قىزمەتكەرلەرى دالالى جەردە «مي­تسۋبيتسي پەيدجەرو» اۆتوكو­لى­گىن توقتاتقان. كۇدىك تۋعىزعان جان­دار شالقار اۋداندىق ىشكى ىستەر بولىمىنە جەتكىزىلەدى. ءتار­تىپ ساقشىلارى تەكسەرۋ جۇمىس­تار­ىن جۇرگىزىپ, 48 جاستاعى سي­ريالىق ازاماتتىڭ جانە الماتى­لىق جاس جىگىتتىڭ ەشقانداي رۇق­سات قاعازسىز قۇس اۋلاپ جۇرگەن­دى­گ­ىن انىقتاعان. سيريا ازاماتى ەلىمىزگە جۇمىس ۆيزاسىمەن كەلىپ, ەمىن-ەركىن ساياتشىلىق قۇرىپتى. زاڭسىز اڭ اۋلاپ جۇرگەن كۇدىك­تى­لەردەن پوليتسەيلەر 12 جابايى كو­گەرشىن مەن 1 قارشىعانى ءتار­كى­لەدى. سونىمەن قاتار, ۇستالعان سەزىكتىلەر كولىگىنىڭ ىشىنەن 13 قۇس توماعاسى مەن 190 قۇس قاماي­تىن تور تابىلدى. تابيعات قورعاۋ ءجا­نە ۆەتەرينارلىق پوليتسيا ءبو­لىمى قىزمەتكەرلەرىنىڭ ايتۋىنشا, زاڭ­سىز اڭشىلىق سالدارىنان مەم­لە­كەتكە 1 ميلليون 150 مىڭ تەڭ­گە شىعىن كەلگەن. قازىرگى تاڭدا وسى فاكتى بويىنشا قر قىل­مىس­تىق كودەكسىنىڭ 288-ءشى «زاڭسىز اڭ اۋلاۋ» بابىنا سايكەس قىل­مىس­تىق ءىس قوزعالىپ, تەرگەۋ-تەكسەرۋ امال­دارى جۇرگىزىلىپ جاتىر. ءمادي قۋانىش ۇلى. اقتوبە وبلىسى.