سىر ەلىندە ۇزدىك پوليتسەيلەر ماراپاتتالدى

قىزىلوردا وبلىسىندا 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي ىشكى ىستەر ورگاندارىنىڭ ۇزدىك قىزمەتكەرلەرى ماراپاتتالىپ, مەرزىمىنەن بۇرىن اتاق-شەندەر تاپسىرىلدى, دەپ حابارلادى وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سالتاناتتى شارادا ىشكى ىستەر ءمينيسترى قالمۇحانبەت قاسىموۆتىڭ قۇتتىقتاۋ حاتى وقىلىپ, 1 جەلتوقسان مەرەكەسىنە ارنايى تۇسىرىلگەن «تۇڭعىش پرەزيدەنتتىڭ ءومىر جولى» اتتى بەينەروليك كورسەتىلدى. «مەملەكەت باسشىسى نۇرسۇلتان نازارباەۆتىڭ ساليقالى باسشىلىعىمەن حالقىمىز تاۋەلسىزدىك تۋىن بيىككە كوتەرىپ, دامۋدىڭ جاڭا جولىن تاڭدادى. بۇل كۇننىڭ ەلباسىمىزدىڭ اتىمەن اتالۋىنىڭ ءوزى كەزدەيسوق جاعداي ەمەس. سەبەبى بۇل كۇن – قازاق حالقىنىڭ مەملەكەت بولىپ قالىپتاسۋىنىڭ ماڭىزدى كەزەڭىن ايقىندايدى», – دەدى جيىندا وبلىستىق ىشكى ىستەر دەپارتامەنتىنىڭ باستىعى قايرات مۇحيتوۆ. مەرەكەلىك شارا بارىسىندا قوعامدىق ءتارتىپتى قامتاماسىز ەتىپ, حالىقتىڭ قۇقىعى مەن بوستاندىعىنىڭ قورعالۋى جولىندا ەرەكشە كوزگە ءتۇسىپ, ۇزدىك ناتيجەلەرگە قول جەتكىزگەنى ءۇشىن ىشكى ىستەر ورگاندارىنىڭ 150-گە جۋىق قىزمەتكەرى ماراپاتتالدى. ماراپاتتالعانداردىڭ قاتارىندا قۇقىق بۇزۋشىلىقتارمەن كۇرەسىپ, قۇقىقتىق ءتارتىپتى قامتاماسىز ەتۋ جولىندا ايانباي ەڭبەك ەتىپ جۇرگەن تومەنگى قۇرىلىم قىزمەتكەرلەرى, اۋداندىق ىشكى ىستەر بولىمدەرى, قالالىق ىشكى ىستەر باسقارماسى مەن ءىىم-ءنىڭ بايقوڭىر قالاسىنداعى وكىلدىگى قىزمەتكەرلەرى دە بار. سونىمەن قاتار, مەرزىمىنەن بۇرىن ارنايى اتاقتار مەن سىنىپتىق شەندىك تاپسىرىلدى.