جول ەرەجەسىن بۇزعاندارعا سالىناتىن ايىپپۇل تومەندەمەيدى

جول-كولىك وقيعالارىن تۋىنداتاتىن نەگىزگى بۇزۋشىلىقتارعا قاتىستى ايىپپۇلداردى تومەندەتۋدىڭ قاجەتى جوق. بۇل تۋرالى بۇگىن پارلامەنت ءماجىلىسىنىڭ جالپى وتىرىسى بارىسىندا تىلشىلەر ساۋالىنا جاۋاپ بەرۋ كەزىندە ىشكى ىستەر ءمينيسترى قالمۇحانبەت قاسىموۆ ءمالىم ەتتى, دەپ حابارلايدى قازاقپارات. «جول ەرەجەسىن بۇزۋعا قاتىستى ايىپپۇلداردى جوعارىلاتۋ تاجىريبەسى اياسىندا ەرەجەنى بۇزۋ فاكتىلەرىنىڭ ازايعانىن بايقاپ وتىرمىز. اتاپ ايتقاندا, تالاپ كۇشەيتىلگەن باعىتتاردا, ياعني قارسى جولاققا شىعۋ, جىلدامدىقتى اسىرۋ تۇرعىسىندا وڭ كورسەتكىشتەر بار. سوندىقتان دا وسى قۇقىق بۇزۋشىلىقتاردىڭ تۇرلەرى ءۇشىن ايىپپۇلداردى تومەندەتۋ قاجەتتىگىن كورىپ تۇرعانىم جوق. ال باسقالارى بويىنشا قاراستىرىپ كورۋگە بولادى»,-دەدى مينيستر. قاسىموۆتىڭ سوزىنە قاراعاندا, كەيبىر ەرەجە بۇزۋشىلىقتار بويىنشا تالقىلاۋ جۇرگىزۋ مۇمكىندىگى بار. «ال جول-كولىك وقيعالارىن تۋىنداتاتىن, اۋىر سالدارعا الىپ كەلەتىن نەگىزگى بۇزۋشىلىقتارعا قاتىستى وزگەرىستەر ەنگىزۋدى ءجون دەپ سانامايمىن», – دەدى مينيستر.