قازاقستاننىڭ ۇزدىك ينۆەستورلارى ماراپاتتالدى

بۇگىن «قازاقستان: جاڭا ينۆەستيتسيالىق مۇمكىندىكتەر» تاقىرىبىنداعى كونفەرەنتسيا بارىسىندا ەلىمىزدەگى ۇزدىك ينۆەستورلار ماراپاتتالدى, دەپ xابارلادى قازاقپارات. بيىل ينۆەستيتسيالار جانە دامۋ مينيسترلىگى ەلىمىزدە ءبىر جىلدان جيىرما جىلعا دەيىن تابىستى قىزمەت ەتىپ كەلە جاتقان كومپانيالاردى ىرىكتەپ الدى. ولاردىڭ ىشىندە قاراشىعاناق مۇناي-گاز كەن ورنىن وڭدەۋ جانە پايدالانۋ بويىنشا «قپو» بىرلەسكەن كاسىپورنى, قۇبىر وندىرەتىن «Tenaris» ينتاليان كومپانياسى, ۋران سالاسىنداعى جاپوننىڭ «ناۋubeniCorporation», نەمىستىڭ «HeidelbergCement» قۇرىلىس ماتەريالدارى كومپانياسى, ەكولوگيالىق تازا وتىندى دامىتۋمەن اينالىساتىن «KOLON» كارىس كومپانياسى, رەسەيلىك «ەفكو» ماي ءوندىرۋشى كاسىپورنى, «Kelun Kazpharm» قىتايلىق فارماتسەۆتيكالىق كومپانياسى جانە «Pladis» تۇرىك كونديتەر بۇيىمدارىن ءوندىرۋشى كومپانياسى (قازاقستاندا "Ulker" دەگەن اتاۋمەن تانىمال) بار. سونىمەن قاتار, مينيستر جەڭىس قاسىمبەك وتاندىق ەكونوميكاعا قوسقان ينۆەستيتسيالىق ۇلەسى ءۇشىن ەۋروپا قايتا قۇرۋ جانە دامۋ بانكى مەن قازاقستانداعى شەتەلدىك ينۆەستورلار كەڭەسى قاۋىمداستىعىن ارنايى ديپلومدارمەن ماراپاتتادى. ايتا كەتەيىك, بۇگىنگى كونفەرەنتسيادا قازاقستانداعى ينۆەستيتسيالىق جوبالاردىڭ كورمەسى اشىلدى. نەگىزگى ماقسات – ەلىمىزدەگى ينۆەستيتسيالىق مۇمكىندىكتەردى كورسەتىپ, جوبالارعا شەتەلدىك قارجىنى تارتۋ.