ەلىمىز بويىنشا 1 اپتادا 188 ەسكى كولىك تاپسىرىلعان

ەسكى كولىكتەردى قابىلداۋعا ارنالعان باعدارلاما اياسىندا قازاقستاندىقتار ءبىر اپتانىڭ ىشىندە 188 ماشينا تاپسىرىپ, ءاربىر تەمىر تۇلپارى ءۇشىن 150 مىڭ تەڭگە الدى, دەپ xابارلايدى قازاقپارات. باعدارلامانىڭ ۇيلەستىرۋشىسى – «وكم وپەراتورى» جشس مالىمەتىنە سايكەس, ۋتيليزاتسياعا تۇسكەن كولىكتەردىڭ باسىم بولىگى 25-30 جىل بۇرىن شىعارىلعان. ولاردىڭ ىشىندە «ۆاز»-دار, «گاز-3110», «موسكۆيچ-2140», ال شەتەلدىك كولىكتەردەن «Mazda 626» ءجيى كەزدەسەدى. "ەڭ ەسكى كولىك - شىققانىنا 70 جىلدان اسقان «موسكۆيچ», ال جاڭالاردىڭ اراسىندا 2007 جىلعى «ۆاز-2104» كولىگى بار. «بۇگىندە قوستاناي قالاسى ەسكى كولىكتەردى تاپسىرۋ جاعىنان وق بويى وزىق تۇر. ءبىر اپتانىڭ ىشىندە 38 ماشينا تاپسىرىلدى. ال اقتاۋ مەن اتىراۋدا ءبىر-ءبىر كولىكتەن عانا ۋتيليزاتسياعا بەرگەن», – دەيدى باعدارلاما ۇيلەستىرۋشىلەرى. ايتا كەتەيىك, وتكەن اپتادا ۋتيليزاتسيالاۋ باعدارلاماسى اياسىندا ەسكى كولىكتەردى قابىلداۋ جۇمىستارى باستالىپ, رەسپۋبليكانىڭ 17 قالاسىندا قابىلداۋ اشىلعان بولاتىن.