جەر بەتىندە بۇگىنگە دەيىن 15 مىڭنان استام سوعىس بولعان

الماتىدا دوستىق ۇيىندە قازاقستان حالقى اسسامبلەياسىنىڭ مۇشەلەرى باس قوسىپ, ەلباسىنىڭ «الەم. XXI عاسىر» مانيفەسىندەگى نەگىزگى 6 مىندەت تۋرالى ءسوز قوزعادى. كەزدەسۋگە كەلگەندەر ادامزات وركەنيەتىنە قاۋىپ توندىرەتىن سوعىس سويقانىن بولدىرماۋ ءۇشىن ەڭ باستىسى تۇسىنىستىك, حالىقتاردىڭ بىرلىگى مەن دوستىعى بەرىك بولۋى كەرەكتىگى ايتىلدى. ماسەلەن, جەر بەتىندە وسى كۇنگە دەيىن 15 مىڭنان استام سوعىس بولىپ, سالدارىنان 5 ميلليارد ادام قازا تاپقان. ەگەر قازىر وزگە ەلدەردە بولىپ جاتقان قاقتىعىستار توقتاماسا, بۇل كورسەتكىش ءالى دە ءوسۋى مۇمكىن. سوندىقتان مانيفەستە ايتىلعان بەيبىتشىلىك يدەياسى ارقاشان وزەكتى, دەدى كونفەرەنتسياعا قاتىسۋشىلار. «تەك اۋىزبىرشىلىك بولعاندا عانا وزەكتى ماسەلەلەر شەشىمىن تاۋىپ, ورتاق مامىلەگە كەلەمىز. بۇل تۇرعىدا ەلىمىزدەگى ىشكى ساياسي تۇراقتىلىقتىڭ ماڭىزى زور. ءبىزدىڭ باستى ماقسات – حالىقتى بىرىكتىرۋ. بىرلىك بار جەردە ءوسۋ مەن وركەندەۋ بولادى. ءبىز مۇنى دالەلدەدىك», – دەدى قالالىق قازاقستان حالقى اسسامبلەياسى توراعاسىنىڭ ورىنباسارى قالالىق قازاقستان حالقى اسسامبلەياسى توراعاسىنىڭ ورىنباسارى قازبەك مانسۇروۆ.