YouTube رەسەيدەگى قىزمەتىن توقتاتۋى مۇمكىن

مەدياكوممۋنيكاتسيالىق كەڭەستىڭ قۇقىقتىق كوميتەتى ۇسىنعان ونلاين-كينوتەاترلارعا بايلانىستى جاڭا زاڭ جوباسى نەگىزىندە YouTube ۆيدەوحوستينگى رەسەيدە ءوز قىزمەتىن توقتاتۋى مۇمكىن. بۇل تۋرالى ريا نوۆوستي حابارلادى. باسىلىمنىڭ ايتۋىنشا, YouTube رەسەيلىك تۇتىنۋشىلاردىڭ جالپى ترافيگىنىڭ 30 پايىزىن قامتيدى. مەدياكوممۋنيكاتسيا كەڭەسى دايىنداعان ۆيدەوسەرۆەرلەردى قاداعالاۋ تۋرالى زاڭ جوباسى مەملەكەتتىك دۋماعا 25 قاراشادا ۇسىنىلدى. جوبا رەسەيدەن ايىنا 100 مىڭنان استام تۇتىنۋشى كىرەتىن كاسىبي كونتەنتى بار اۋديوۆيزۋالدى سەرۆيستەرگە شەتەلدىكتەرگە يەلدىك ەتۋگە تىيىم سالادى. بىراق YouTube قۇرامىندا كاسىبي ءارى تۇتىنۋشىلىق كونتەنت قاتار جۇرگەندىكتەن, تاعدىرى ءالى بەلگىسىز بولىپ وتىر. "اۋديوۆيزۋالدى سەرۆيستىڭ ۇيىمداستىرۋشىسى رەتىندە YouTube-ءتى دە اتاۋعا بولادى. وندا تۇتىنۋشىلار ءوز كونتەنتتەرىن سالادى. زاڭ جوباسى بەكىتىلسە, YouTube رەسەي اۋماعىندا كورسەتىلمەيدى", دەلىنگەن مەدياكوممۋنيكاتسيا كەڭەسىنىڭ قۇقىقتىق كوميتەتى بەرگەن حابارلامادا. باسىلىمنىڭ حابارلاۋىنشا, YouTube-تە تەك تۇتىنۋشىلىق قانا ەمەس, كاسىبي دە كونتەنت بار. قازىرگى YouTube يەسى - امەريكالىق Google  كومپانياسىندا كەش سەرۆەرلەر بار. تالاپتاردى ورىنداۋ ءۇشىن ول جاڭا ينفراقۇرىلىم قۇرۋى كەرەك. ولاي بولماعان جاعدايدا, YouTube شەتەلدىك الاڭدارعا كوشىپ, ول ءوز كەزەگىندە بايلانىس وپەراتورلارىنىڭ شىعىنان ارتتىرۋى مۇمكىن.