ەسكەرىلسەك ەكەن

1941 جىلدىڭ 22 ماۋسىمىنان 1945 جىل­دىڭ 9 مامىرىنا دەيىنگى ارالىقتا تىلدا 6 اي جۇمىس ىستەگەندەر ۇلى وتان سوعىسىنىڭ ارداگەرلەرىمەن تەڭەستى­رىلگەن. كەيىن 1937 جىلعا دەيىن تۋعاندار دا الدىڭعىلاردىڭ ساناتىنان ورىن الدى. وسىدان بىرەر جىل بۇرىن «ارداگەرلەر تۋرالى» زاڭ قابىلداناتىن بولىپتى, سوندا كوپ جاقسىلىقتار قاراستىرىلادى ەكەن دەگەن تۇرعىدا اڭگىمە ەستىگەنىمىزدە, قۋانىپ قالعانىمىز راس. ودان بەرى دە ءبىراز جىلدىڭ ءجۇزى بولدى. بىراق سول ەستىگەن اڭگىمەمىز اڭگىمە كۇيىندە قالىپ قوي­عانداي. سوندا 1937 جىلدان كەيىن جانە سوعىس ۋاقىتىندا دۇنيەگە كەلگەندەر الەۋ­مەتتىك قامتۋ بوي­ىن­شا ەشقانداي توپتىڭ قاتارىنا جاتقىزىل­ماي­تىن بولعانى ما؟ نەمىس-فاشيستەرىمەن سوعىسۋعا كەتكەن­دەر­دىڭ ۇل-قىزدارى نە كورمەدى دەيسىز. جەتىمدىكتەن باستاپ ءبارىن دە كوردى. باس كوتەرەر ەر-ازامات جوق, اۋىلدا قالعان كارى-قۇرتاڭ مەن ءالى كەلەتىن بالا-شاعا بەلى قايىسا جۇمىسقا جەگىلدى. تاپقان-تايانعاندارىنىڭ ءبارى ماي­دانعا جىبەرىلدى. ءبارى دە ۋاقىتپەن ساناسپاي ەڭبەك ەتىپ, قان مايداندا جاۋمەن الىسىپ جاتقان اكەلەرىمىز بەن اعالا­رى­مىز­دىڭ اۋىر جۇگىن ءسال دە بولسا جەڭىلدەتۋگە ۇلەس قوستى. سوعىس جىلدارى جانە ودان كەيىنگى كەزەڭدەردە حالىقتىڭ تۇرمىس جاعدايى وتە اۋىر بولدى. ىشەر تاماققا, كيەر كيىمگە جارىماي, اشقۇرساق جۇرگەن حالىق كوپ ەدى. 1950 جىلعا دەيىن انالارىمىز وتباسىعا تيەسىلى قۇرت-مايىن مەملەكەتكە تاپسىرىپ كەلدى. ءار وتباسىنا,  مالى بار-جوعىنا قاراماستان, 90 كگ. ەت, 9 كگ. 900 گر. سارى ماي, 9 كگ. ءجۇن, 90 دانا جۇمىرتقا كولەمىندە سالىق سالىندى. ۋاقىتىندا تاپسىرا الماعانداردىڭ ۇيىنەن ساۋىپ-ءىشىپ وتىرعان جالعىز سيىرىنا دەيىن تارتىپ الىپ كەتكەن وقيعالار كەزدەستى. مۇنىڭ ءبارىن نە ءۇشىن ايتىپ وتىرمىن؟ 1937 جىلدان كەيىن تۋعاندار مەن سوعىس ۋا­قى­تىندا ومىرگە كەلگەندەر قيىنشىلىقتى ءۇل­كەندەردەن كەم كورگەن جوق. وسىنى ەسكەرە كەلگەندە, بىزدەردىڭ دە زاڭ نەگىزىندە الەۋ­مەت­تىك قامتۋ بويىنشا ۇلى وتان سوعىسىنىڭ ارداگەرلەرى مەن سولارعا تەڭەستىرىلگەندەردىڭ قاتارىنا ەنۋگە تولىق قۇقىمىز بار ەكەنى كۇمانسىز. پارلامەنت دەپۋتاتتارى بۇل ما­ڭىز­دى ماسەلەگە قوزعاۋ سالادى عوي دەپ ءۇمىت­تەنەمىز. سەبەبى, بۇل – كوپتىڭ كوكەيىندە ءجۇر­گەن ءجايت. ونىڭ ۇستىنە وتانىمىزدىڭ قۋاتى جىل ساناپ ارتىپ كەلەدى. سوندىقتان ۇكى­مەت­تە­گىلەر دە ماسەلەگە تۇسىنىستىكپەن قارايدى دەپ سەنەمىز. قۋاتبەك ورالبەكوۆ,1937 جىلدىڭ تۋماسى. وڭتۇستىك قازاقستان وبلىسى, تولە بي اۋدانى, سارقىراما ەلدى مەكەنى.