كوكشەتاۋدا ەل تəۋەلسىزدىگىنىڭ 25 جىلدىعىنا ارنالعان «25 جۇلدىزدى كۇن» اكتسياسى اياسىندا ەكى 9 قاباتتى 45 پاتەرلى تۇرعىن ءۇي پايدالانۋعا بەرىلدى, دەپ حابارلادى قازاقپارات.
سالتاناتتى شاراعا وبلىس اكىمى سەرگەي كۋلاگين قاتىسىپ, جاڭا پاتەر يەلەرىن قۋانىشتارىمەن قۇتتىقتادى.
«تاۋەلسىزدىكتىڭ العاشقى جىلدارىنان باستاپ ەلباسىمىز قازاقستاندىقتاردىڭ ۇلكەن وتباسى رەتىندە ەلىمىزدە جايلى تۇرۋىنا كوڭىل ءبولىپ كەلەدى. مەملەكەت باسشىسى نۇرسۇلتان نازارباەۆتىڭ قولعا العان ساياساتىنىڭ باستى باعىتتارىنىڭ ءبىرى – ءاربىر قازاقستاندىق وتباسىن ءوز باسپاناسىمەن قامتاماسىز ەتۋ. بۇل باعىتتا ەلىمىزدە «نۇرلى جول», «قولجەتىمدى باسپانا-2020», «وڭىرلەردى دامىتۋ-2020» ءتارىزدى باعدارلامالار جۇزەگە اسىرىلىپ جاتىر.
جالپى, وبلىس بويىنشا 20 جىل ىشىندە اۋماعى 58309 شارشى مەتردى قۇرايتىن 20 تۇرعىن ءۇي پايدالانۋعا بەرىلىپ, 755 وتباسى پاتەرلى بولدى. بۇل جولى پايدالانۋعا بەرىلگەن تۇرعىن ۇيلەر وبلىس ورتالىعىنداعى «سارىارقا» شاعىن اۋدانىندا «قولجەتىمدى باسپانا-2020» مەملەكەتتىك باعدارلاماسى بويىنشا سالىندى. كوپقاباتتى جاڭا تۇرعىن ۇيدەن باسپانالى بولىپ وتىرعانداردىڭ كوبى جاس جانە كوپ بالالى وتباسىلار, بيۋدجەتتىك سالا قىزمەتكەرلەرى جانە ءۇي كەزەگىندە تۇرعاندار
