ەلىمىزدىڭ يننوۆاتسيا سالاسىنداعى ۇزدىك ءوڭىرى انىقتالدى

ينۆەستيتسيالار جانە دامۋ مينيسترلىگى جۇرگىزگەن ۇلتتىق يننوۆاتسيالىق بايقاۋدىڭ قورىتىندىسى بويىنشا شىعىس قازاقستان «ەڭ يننوۆاتسيالىق-بەلسەندى ءوڭىر» نوميناتسياسىنا لايىق دەپ تانىلدى, دەپ حابارلادى ءوڭىردىڭ اقپاراتتىق ورتالىعى. يننوۆاتسيا بايقاۋى قازاقستاندا 2005 جىلدان باستاپ ءوتىپ كەلەدى. سول ۋاقىتتان باستاپ وعان ەلدىڭ بارلىق وڭىرىنەن 5000-نان استام يننوۆاتورلار قاتىستى. 2016 جىلى نوميناتسيانىڭ ءار ءتۇرى بويىنشا ۇزدىك جوبالار ايقىندالدى. ونىڭ ءبىرى «ەڭ يننوۆاتسيالىق بەلسەندى ءوڭىر» اتالىمىندا جەڭىمپاز اتانعان شىعىس قازاقستاندا  يننوۆاتسيالىق كاسىپورىندار سانى كوپ, گرانتتار الۋعا بەرىلگەن جوبالار مەن وتىنىمدەر قولداۋ تاپقان. «ەڭ يننوۆاتسيالىق بەلسەندى ءوڭىر» نوميناتسياسى وڭىرلەر ىشىندە باسەكەلەستىكتى ىنتالاندىرۋ جانە قۇرۋ, سونداي-اق يننوۆاتسيالىق الەۋەتتى, ينفراقۇرىلىمدى دامىتۋ, ينۆەستيتسيا تارتۋ ماقساتىندا جانە قر يننوۆاتسيالىق دامۋ بويىنشا مەملەكەتتىك باعدارلامالاردى ءتيىمدى ىسكە اسىرۋ ءۇشىن جوباعا ەنگىزىلدى. ءداستۇر بويىنشا بايقاۋ جەڭىمپازدارى مەن جۇلدەگەرلەرىنە «ورتا مەكتەپتەر وقۋشىلارى اراسىنداعى ۇزدىك يننوۆاتسيالىق جوبا», «ستۋدەنتتەر اراسىندا ۇزدىك يننوۆاتسيالىق جوبا», «ۇزدىك راتسيوناليزاتورلىق ۇسىنىس» اتاعى بەرىلدى.