تالاپ بيىگىندە

قورعانىس ءمينيسترى ادىلبەك جاقسىبەكوۆ گۆاردەيسك گارني­زو­نى­نىڭ قۇرالىمدارى مەن ءبولىم­دەرىن جۇمىس ساپارىمەن ارالاپ قايتتى. ونىڭ بارىسىندا قور­عا­نىس ۆەدومستۆوسىنىڭ باسشىسى ار­تيللەريستەر مەن تانكيستەردىڭ, جەكە مەديتسينالىق وتريادتىڭ قىز­مەت جاعدايىمەن جانە وق-ءدا­رىلەردى جويۋ پۋنكتىنىڭ جۇمىسى­مەن تانىستى. قورعانىس ۆەدومستۆوسىنىڭ باس­شىسى وق-دارىلەردى جويۋ پۋنكتى­نىڭ جۇمىسىنا قاناعاتتانا­تى­نىن ءبىلدىردى. مۇندا تمد ەلدەرى اراسىنداعى ەڭ مىقتى, حالىق­ارا­لىق ستاندارتتارعا ساي زاماناۋي, اۆتوماتتاندىرىلعان جاب­دىق­تار ساتىپ الىنعان. قورعا­نىس ءمينيسترى وسىنداعى تەحنيكا­لىق قىزمەت كورسەتۋ جانە ءجون­دەۋ, ارتيللەريالىق وقتاردى ءبول­شەكتەۋ, جارىلعىش زاتتاردى جويۋ تسەحتارىنىڭ جۇمىس ۇدەرىس­تەرىمەن جانە ۋاقىتشا ساقتاۋ الاڭىمەن تانىستى. مۇندا جۇ­مىس قىزىپ تۇر. ارنايى وقى­تىلعان ماماندار, نەگىزىنەن زا­پاس­تاعى اسكەري قىزمەتشىلەر, قاۋ­­ىپسىزدىك نورمالارىن ساقتاۋدا. ادىلبەك جاقسىبەكوۆ سونداي-اق, مادەني-دەمالىس ورتالىعىن ارالاپ, 900 ورىندىق مەكتەپتىڭ قۇ­رىلىس بارىسىمەن تانىستى. – ايتارلىقتاي ماڭىزدى ءوز­گە­رىستەر بار, – دەدى قورعانىس مي­نيسترى. – بۇگىن مۇنداعى ءاس­كە­ري قىزمەتشىلەردىڭ تۇرمىس-ءتىر­شى­لىگى ءۇشىن بارلىق جاعداي جا­سالىپتى, مۇنى بىزدەن ەلباسى – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆ تالاپ ەتىپ وتىر جەكە مەديتسينالىق وتريادتا ادىلبەك جاقسىبەكوۆ 40 ادامعا ارنالعان حيرۋرگيالىق ءبولىمدى ارالادى, مۇندا مەديتسينالىق قىز­مەت تەك اسكەري قىزمەتشىلەرگە عانا ەمەس, تۇرعىن حالىققا دا كورسەتىلەدى. ول, سونىمەن قاتار, بۇگىندە اسكەرلەردىڭ جاۋىنگەرلىك ازىرلىگىنە باسا نازار اۋدا­رى­لا­تىندىقتان, گارنيزوننىڭ تەح­ني­كالىق جابدىقتالۋىن دا كوڭىل­دەن تىس قالدىرعان جوق, بۇگىندە گۆاردەيسك گارنيزونى بولىمدەرىنىڭ بىرىنە جامبىل وب­لىسىندا تىركەلگەن زاپاستاعى قۇ­رامنان 100-دەن استام جىگىت وقۋ-جاتتىعۋ دايىندىعىنا شا­قى­رىلدى. بۇل ەلباسى – قارۋلى كۇشتەردىڭ جوعارعى باس قول­باس­شىسى ن.ءا.نازارباەۆتىڭ جۇمى­ل­دىرۋ رەزەرۆىن دايىنداۋ, اسكەري مىندەتتى ازاماتتاردى ۇيرەتۋ ءجو­نىندەگى ناقتى تاپسىرماسىنىڭ ءجۇ­زەگە اسىرىلۋى, دەپ اتاپ ءوتتى قورعانىس ءمينيسترى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى. ––––––––––––––––––– سۋرەتتى تۇسىرگەن ەرمەك سارباسوۆ.