باتىر رۋحىنا تاعزىم

استانا قالاسىنىڭ اكىمدىگى مەن قالالىق تىلدەردى دامىتۋ باسقارما­سىنىڭ ۇيىمداستىرۋىمەن ەلوردادا كوپتەگەن مادەني ءىس-شارالار ءوتىپ كەلەدى. ەل قورعاعان باتىرلارىمىز بەن حالىقتىڭ رۋحاني بايلىعىن ارتتىرعان اقىندارعا ورناتىلعان ەسكەرتكىشتەر جانىندا باسقوسۋلار وتكىزۋ داستۇرگە اينالدى. سونداي ەل بىرلىگىن نىعايتۋعا ارنالعان جانە جاستاردىڭ وتانعا دەگەن پاتريوتتىق سەزىمىن ارتتىرۋعا باعىتتالعان مادەني شارا استانا­دا­عى باۋىرجان مومىش ۇلى ەسكەرت­كى­شىنىڭ جانىندا دا بولدى. وسى باسقوسۋعا جينالعان زيالى قاۋىم وكىلدەرى باۋىرجان مومىش­ ۇلىنىڭ ەسكەرتكىشىنە گۇل شوقتا­رىن قويىپ, رۋحىنا تاعزىم ەتتى. العاشقى ءسوز كەزەگىن العان حا­لىق قاھارمانى, گەنەرال, اۋعان سو­عىسىنىڭ ارداگەرى باقىتجان ەرتاەۆ قازاق حالقىنىڭ داڭقتى باتى­رى باۋ­ىرجان مومىش ۇلى تۋرالى وي­لارىن ورتاعا سالدى. ەكونوميكا عىلىمدارىنىڭ دوك­تو­رى, پروفەسسور سايلاۋ باتىرشا­ ۇلى دا باۋكەڭنىڭ وتانعا دەگەن ءسۇي­ىس­پەنشىلىگى ءاربىر ءىسى مەن قادامىنان ايقىن كورىنەتىنىن تىلگە تيەك ەتە كەلە, باتىردىڭ قيىن زاماننىڭ ءوزىن­دە اتا-تەگىن دۇرىس جازىپ, سول ءۇشىن كۇرەسىپ وتكەن ادام ەكەنىن ايتتى. بۇل شارانى ۇيىمداستىرۋعا قا­لا­داعى №53 مەكتەپتىڭ ۇجىمى ات­سا­لىسىپ, وقۋشىلار باۋىرجان مو­مىش ۇلىنا ارنالعان قازاق اقىن­دا­رىنىڭ ولەڭدەرىن جاتقا وقىپ بەردى. «ەگەمەن-اقپارات».