قازاقستاننىڭ دامۋ جولى – وزگەلەرگە ۇلگى

ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) پاريجدەگى شتاب-پاتەرىندە وسى ۇيىم باس حاتشىسىنىڭ توراعالىعىمەن ەۋرازيا اپتالىعى باستالدى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى. جىل سايىن وتەتىن اتالعان شارانىڭ ماقساتى – الەمدىك قوعامداستىقتىڭ نازارىن ەۋرازيا قۇرلىعىنىڭ جاھاندىق ماڭىزىنا اۋدارىپ, ەۋرازيا ەلدەرىنىڭ ەىدۇ مەملەكەتتەرىمەن ناتيجەلى ىنتىماقتاستىعى ءۇشىن جاعدايلار جاساۋ. اتالعان الاڭ جىل سايىن ءبىر ۇستەل باسىنا وسى ۇنقاتىسۋعا تارتىلعان ەلدەردىڭ جوعارى شەندى لاۋازىم يەلەرىن جيناپ كەلەدى. ماسەلەن, وسى جىلى ەۋرازيا اپتالىعىنا پولشا پرەمەر-مين­يسترى­نىڭ ورىنباسارى – ءما­دەنيەت جانە ۇلتتىق مۇرا ءمينيسترى پ.گلينسكي, قىر­عىزستان ۆي­تسە-پرەمەرى و.پان­كرا­توۆ, ۋك­راينا, چەحيا, موڭ­عوليا جانە باسقا ەل­دەر­دىڭ مي­نيسترلەرى قاتىسۋدا. قازاقستان ەۋرازيا اپ­تالىعىنا 2012 جىلدان باس­تاپ بەلسەندى قاتىسىپ كەلەدى. ۇستىمىزدەگى جىلى قازاقستان دەلەگاتسياسىن پاريجگە ەلى­مىزدىڭ سىرتقى ىستەر مي­نيسترى ەرلان ىدىرىسوۆ باستاپ باردى. دەلەگاتسيا قۇرامىندا ۇلتتىق ەكونوميكا, ينۆەستيتسيالار جانە دامۋ, ەنەرگەتيكا, دەنساۋلىق ساقتاۋ جانە الەۋمەتتىك دامۋ مينيسترلىكتەرىنىڭ, «ءباي­تەرەك» حولدينگىنىڭ, «اس­­تانا ەكسپو-2017» ۇلت­تىق كومپانياسىنىڭ, استا­نا حالىقارالىق قارجى ورتا­لى­عىنىڭ جانە قا­زاق­ستاندىق دامۋ ينستيتۋت­تارىنىڭ وكىل­دەرى بار. ەۋرازيا اپتالىعى اشى­لۋى سالتاناتىنداعى نەگىزگى ءسات قازاقستان پرەمەر-مي­نيسترى باقىتجان ساعىن­تاەۆ­تىڭ شاراعا قاتىسۋ­شى­لارعا بەينەۇندەۋى بولدى. ۇكىمەت باسشىسى ەلىمىز پرە­زيدەنتىنىڭ ەۋرازيا قۇرلىعىن دامىتۋدىڭ باعىتتارىن قالاي بولجايتىنى تۋرالى كوزقاراسىمەن ءبولىستى. بۇل جەردە ەىدۇ-مەن ءوزارا ءىس-قيمىلدى ورىستەتە ءتۇسۋ­دىڭ ماڭىزدى ەكەنى اتاپ كورسە­تىلدى. قازاقستاننىڭ وسى بەدەل­دى ۇيىم ستاندارتتارىنا نەگىز­دەلگەن رەفورمالارعا جاقىن ەكەندىگىنە باسا نازار اۋدارىلدى. سىرتقى ىستەر ءمينيسترى ەرلان ىدىرىسوۆ مينيسترلىك سەسسياسىنىڭ اشىلۋىندا ءسوز سويلەدى. ءوزىنىڭ سوزىندە ول ەۋرازيا كەڭىستىگىندەگى نەگىزگى ويىنشىلاردىڭ ءبىرى رەت­ىندە قازاقستاننىڭ دامۋ با­عىتتارى تۋرالى ەگجەي-تەگ­جەيلى اڭگىمەلەپ بەردى. سىرت­قى ساياسات ۆەدومستۆوسىنىڭ باسشىسى اۋديتورياعا «100 ناقتى قادام» ۇلت جوسپارى نەگىزىندە جۇزەگە اسىرىلىپ جاتقان بەس ينستيتۋتتىق رەفورمانىڭ ماقساتتارى تۋرالى ءتۇسىندىردى. بۇل ارادا ۇلت جوسپارىنىڭ ەىدۇ-عا مۇشە ەلدەردىڭ وزىق ءتاجى­ريبەلەرىنە نەگىزدەلگەنى دە نازاردان تىس قالعان جوق. پىكىرتالاس بارىسىندا ەلىمىزدىڭ ينۆەستيتسيالار تار­تۋ مەن ەكونوميكانى ءارتا­راپ­تاندىرۋ سالالارىن­داعى تاجىريبەسى ۇلكەن قىزى­عۋشىلىق تۋعىزدى. شاراعا قاتىسۋشىلار قازاقستاننىڭ ينۆەستورلار تارتۋ جانە ىسكەرلىك بايلانىستار ورناتۋ ءۇشىن وڭتايلى جاعدايلار قالىپتاستىرىلعان ەل ەكەنىن ءبىراۋىزدان ماقۇلداپ جاتتى. قازاقستان دەلەگاتسياسى باسشىسىنىڭ باعدارلاماسى اسا تىعىزدىعىمەن ەرەك­شە­لەنەدى. ماسەلەن, ە.ىدى­رىسوۆ ەىدۇ باس حاتشىسى ان­حەل گۋرريامەن جانە وسى ۇيىمنىڭ جاھان­دىق بايلانىستار جونىندەگى حات­شى­لىعىنىڭ باسشىلىعىمەن كەزدەسۋلەر وتكىزدى. سۇحباتتاستار قازاقستاننىڭ ەىدۇ-مەن اسا تىعىز ىنتىماقتاستىق ورناتىپ وتىرعانىن ەرەكشە اتادى. ولاردىڭ پىكىرىنشە, قازاقستان اسا دامىعان مەملەكەتتەر كلۋبى باعىتىنا قاراي سەنىمدى قادامدارمەن ادىمداپ بارادى. باس حاتشى اتاپ وتكەن­دەي, قول جەتكىزىلگەن تاماشا تا­بىستار ءارى قارايعى بىرلەسكەن جۇمىستارعا بەرىك نەگىز قا­لايدى. ەۋرازيا اپتالىعىنىڭ اشىلۋ سالتاناتىندا ءسوز ءسوي­لە­گەن ەىدۇ باسشىسى اۋدي­توريانىڭ نازارىن قازاق­ستاننىڭ تاۋەلسىزدىك العان از عانا ۋاقىت ىشىندە ۇلكەن جەتىستىكتەرگە جەتكەنىنە اۋ­دار­دى. ونىڭ پىكىرىنشە, باس­قا ەلدەر وسى تاجىريبەنى جان-جاقتى وقىپ-ۇيرەنۋلەرى ءتيىس. ەىدۇ-نىڭ ەۋرازيا اپتا­لىعى جۇمىسىن بۇگىن اياق­تايدى. قازاقستان دەلەگا­تسيا­سىنىڭ مۇشەلەرى بيزنەس-فورۋم مەن ءتۇرلى تاقىرىپتىق سەسسيالارعا قاتىسادى. استانادا «بولاشاقتىڭ ەنەرگياسى» تاقىرىبىمەن وتەتىن «ەكسپو-2017» كورمەسىنىڭ تۇساۋكەسەرىنە ەرەكشە نازار اۋدارىلادى دەپ كۇتىلىپ وتىر.