تۇسىنىستىك مەموراندۋمىنا قول قويدى

كەشە ريگا قالاسىندا قازاقستان رەسپۋبليكاسى ورتالىق سايلاۋ كو­ميس­سياسىنىڭ توراعاسى قۋاندىق تۇرعان­قۇ­لوۆ پەن لاتۆيا رەسپۋبليكاسى ورتا­لىق سايلاۋ كوميسسياسىنىڭ توراعاسى ارنيس تسيمدارس قازاقستان رەسپۋب­لي­كاسى ورتالىق سايلاۋ كوميسسياسى مەن لاتۆيا رەسپۋبليكاسى ورتالىق سايلاۋ كوميسسياسى اراسىنداعى ءوزارا ءتۇ­سىنىستىك تۋرالى مەموراندۋمعا قول قويدى. مەموراندۋمعا قول قويۋ ەكى ەلدىڭ سايلاۋ ورگاندارى اراسىنداعى ىنتىماق­تاس­تىقتى ودان ءارى دامىتۋ جولىنداعى ماڭىزدى ءارى ۋاقتىلى جاسالعان قادام بولىپ تابىلادى. «ىنتىماقتاستىق پەن ارىپتەستىكتىڭ كەڭەيتىلگەن ءپىشىنى ءبىزدىڭ ەلدەرىمىزدىڭ ورتاق دەموكراتيالىق يگىلىگى بولىپ تابىلاتىن يدەالدار مەن ۇستا­نىم­داردى ىسكە اسىرۋعا جانە قورعاۋعا ءمۇم­كىندىك بەرەتىن بولادى. ءبىز ءۇشىن ولاردىڭ نەگىزگىلەرى – ازاماتتاردىڭ كونستيتۋتسيامەن بەكىتىلگەن سايلاۋ جانە سايلانۋ قۇقىعى. لاتۆيا مەن قازاقستاننىڭ سايلاۋ ورگاندارىنىڭ ازاماتتاردىڭ سايلاۋ قۇقىعىن ىسكە اسىرۋ, ءارتۇرلى دەڭگەيدەگى سايلاۋلاردى ۇيىمداستىرۋ, وتكىزۋ جانە قۇقىقتىق رەتتەۋ سالاسىندا جيناقتاعان تاجىريبەسى وراسان زور. ونى تەرەڭ زەردەلەپ تالداۋ تەك ۇلتتىق سايلاۋ زاڭىن دا­مى­تۋدىڭ ۇتىمدى ادىستەرى مەن جولدارىن انىقتاپ قانا قويماي, دەموكراتيالىق سايلاۋ ءۇردىسىنىڭ جالپى دامۋىنا دا ايتارلىقتاي ىقپال ەتە الادى», – دەپ اتاپ ءوتتى ءوز سوزىندە قۋاندىق تۇرعان­قۇلوۆ. سونداي-اق, تاراپتار بۇل قۇجاتقا قول قويۋ سايلاۋ ۇدەرىسى سالاسىندا قازاقستان – لاتۆيا ىنتىماقتاستىعىنىڭ دامۋىنا جاڭا سەرپىن بەرەدى جانە ونىڭ باستى ەرەكشەلىگى – ەكى ەلدىڭ سايلاۋ ورگاندارىنىڭ اراسىندا ناقتىلى ارىپتەستىككە, تىكەلەي قارىم-قاتىناستارعا كوشۋ بولادى دەگەن سەنىمدەرىن ءبىلدىردى. قازاقستان رەسپۋبليكاسىنىڭ ورتالىق سايلاۋ كوميسسياسى.