بولاشاقتىڭ كىلتى – بىرلىكتە

قىزىلوردا وبلىسىندا تاۋەلسىزدىكتىڭ 25 جىلدىعىنا ارنالعان شارالار كۇن وتكەن سايىن كۇش الا باستادى. 25 كۇن بويىنا ازاتتىقتى ۇلىقتاعان, تاۋەلسىزدىككە ءتاۋ ەتكەن, دەربەستىكتى دارىپتەگەن شارالار ۇزدىكسىز وتپەك. ال وسى ءىستىڭ ءبارىنىڭ باستاۋى «بولاشاعىمىز – بىرلىكتە» اتتى وبلىستىق پاتريوتتار فورۋمىنان باستالدى. بۇرناعى كۇنى «مۇز ايدىنى» كە­شە­نىندە تاۋەلسىزدىكتىڭ 25 جىل­دى­عى­نا وراي «بولاشا­عى­­مىز – ءبىر­لىكتە» ات­تى وبلىستىق پاتريوت­تار فورۋمى ءوت­تى. وبلىستىق ىشكى ساياسات باس­قار­ما­سى, «اۋعان سوعىسىنىڭ ارداگەرلەرى مەن ءمۇ­­گەدەكتەرىنىڭ كەڭەسى» قوعامدىق ءبىر­لەستىگىنىڭ ۇيىم­داستىرۋىمەن ءوت­كەن شاراعا وبلىس اكىمىنىڭ ورىن­با­سارى رۋسلان رۇستەموۆ, قوعامدىق ءبىر­لەس­تىكتەر مەن جاستار ۇيىمدارى, جالپى ءۇش مىڭ­نان اسا ادام قاتىستى. فورۋمنىڭ نەگىزگى ماقساتى ءتاۋ­ەل­سىزدىكتىڭ 25 جىلدىعىنا وراي «بوس­تاندىق», «بىرلىك», «بەيبىتشىلىك» سىن­دى نەگىزگى قۇندىلىقتاردى نى­عايتۋ, جاستاردىڭ پاتريوتتىق سانا-سەزىمى مەن ازاماتتىق بەلسەندىلىگىن ارتتىرۋ بولىپ تابىلادى. شارادا وبلىس اكىمىنىڭ ورىنبا­سا­­رى ر.رۇستەموۆ فورۋمعا قاتى­سۋ­­­­­شىلاردى ەل ءتاۋ­ەل­سىزدىگىنىڭ 25­ جىل­­­دىق مەرەيتويىمەن قۇت­تىق­تاي كە­لە, بەلگىلەنگەن اتالىمدار­ بو­ي­ىن­­­­شا ەلگە ەڭبەگى سىڭگەن بىرقاتار ازا­ماتتاردى مارا­پاتتادى. سونىڭ ءىشىن­دە «قىزىلوردا كورەيلەر قاۋ­ى­م­داستىعى» وبلىستىق فيلي­ا­لى ءتو­ر­اعاسىنىڭ ورىن­­باسارى ۆي­لوري نيكولا­ەۆيچ شين «قازاقستان پاتريو­تى» اتا­لىم­ى­نى­نىڭ يەگەرى اتاندى. ۆيلوري شين ءوز كەزەگىندە فو­­­­رۋم­­­دى ۇيىم­داس­تىرۋشىلارعا ال­­­­­عى­سىن ءبىلدىرىپ, جاستارعا اق­جارما ءتى­­­­لە­گىن جەتكىزدى. «ءبىز قازىر جۇزدەگەن ەت­­­­نوس وكىلدەرى باس قوسقان ەلمىز. ارا­مىز­دا ورىس تا, نەمىس تە, چەشەن دە ءبا­رى بار. بىزدەردى ءبىر تاعدىر ءتۇي­ىس­­-­ ءتى­ردى. ءبىر شاڭىراقتىڭ استىندا ءبىر­گە ءتۇتىن تۇتەتىپ جاتقاننان كەي­ىن ءبىز­گە قازاق پەن قازاقتىڭ دا, قا­زاق پەن باسقا وتانداسىمىز اراسىن­دا دوس­تىق وتە قاجەت. مۇنسىز ەلدىڭ ە­ر­­تە­ڭىن, جارقىن بولاشاقتى ەلەس­تە­­تۋ قيىن. قازاق ەلىنىڭ بۇگىنگى ءتىز­گىنىن ۇستاپ وتىرعان ەل­با­سىمىز دا «ءبىر بولايىق. ءبىر بول­­ماساق, توز-توزىمىز شىعىپ, ەلدىك­تەن ايى­­رىلامىز» دەگەندى ءجيى قاي­تا­لاي­­دى. ەل الدىندا تۇرعان جار­قىن ماقساتقا ەل بىرلىگىن ساقتاي وتى­­­رىپ قانا جەتەتىنىمىزدى ۇدايى ەس­­­كەر­تىپ كەلەدى. حالىقتىڭ سوزىنە قا­­را­عان­دا باق دەگەنىڭ كەز كەلگەن جەر­گە تابان تىرەي بەرمەيتىن كو­رى­نە­دى. ىنتىماق, اۋىزبىرشىلىك, جا­را­­­سىمدىلىق ۇيالاعان جەرگە بارىپ قو­ناقتايدى. سول باق قازىر قا­زاق ەلىن­دە. وسى باقتى ساقتاۋ ءۇشىن ءبىز ءبارىمىز بىرلىگىمىزگە بەكەم بو­لايىق», دەدى. ارقالى اقىن شاھيزادا ءابدى­كا­رى­موۆ: «تاۋەلسىزدىك – قازاققا قانمەن, جان­­مەن كەلگەن قاسيەتتى دە كيەلى ۇعىم. ونىڭ قادىرىنە جەتكەندەر كۇندە تاۋبە دەۋ­دەن جالىققان ەمەس. كوك اسپاننىڭ اس­تىندا كوك تۋدىڭ جەلبىرەگەنىن كو­رىپ جۇرگەن بىزدە ارمان جوق. بۇگىنگى كۇنگە مىڭ شۇكىر!» – دەيدى. شارا سوڭىندا فورۋمنىڭ ۇندەۋى قابىل­دان­دى. ال «ءبىر تاعدىر! ءبىر ەل­باسى» دەپ ۇران­داتقان پاتريوت­­تىق فو­رۋم­نىڭ سوڭى سىر ونەرپازدارىن­ىڭ كونتسەرتىنە ۇلاستى. ەرجان بايتىلەس, «ەگەمەن قازاقستان» قىزىلوردا