ۋنيۆەرسيادانىڭ باس مەديتسينالىق سەرىكتەسى

الماتىدا 2017 جىلعى 28-ءشى دۇنيەجۇزىلىك قىسقى ۋنيۆەرسيادانى ۇيىمداستىرۋ جانە وتكىزۋ بويىنشا ديرەكتسياسى حالىقارالىق INVITRO مەديتسينالىق كومپانياسىمەن ىنتىماقتاستىق تۋرالى ەكىجاقتى كەلىسىمگە كەلدى. سونىڭ نەگىزىندە INVITRO كومپانياسى حالىقارالىق جارىستاردىڭ رەسمي مەديتسينالىق سەرىكتەسى اتاندى. كەلىسىم نەگىزىندە مەديتسينالىق كومپانيا جارىسقا قاتىسۋشىلاردى لابوراتوريالىق دياگنوستيكامەن تولىق قامتاماسىز ەتەتىن بولادى. وسى ماقساتتا مەديتسينا­­لىق كومپانيادا 13 باستى اناليز­دى قۇرايتىن ارنايى «INVITRO دەنى ساۋ كومانداسى» پرو­فيلى جاسالدى. ولاردى واك, الت, است, جالپى بەلوك, بيليرۋبيندەر, كرەاتينين, گليۋكوزا, حولەستەرين, ك/NA/CA2, تەستوستەرون, كورتيزول جانە سك-كرەاتينكينازا قۇراي­دى. ءبىر ايتا كەتەرلىگى, ۋني­ۆەرسيادا كەزىندە INVITRO كومپانياسى قاتىسۋشىلارعا كەز كەلگەن لابوراتوريالىق زەرتتەۋدەن وتۋىنە مۇمكىندىك بەرەدى. بىراق ول ءۇشىن دارىگەردىڭ رۇقساتى قاجەت. – 28-ءشى دۇنيەجۇزىلىك قىسقى ۋنيۆەرسيادا مەن INVITRO كومپانياسىنىڭ اراسىنداعى سەرىكتەستىك – ۇيىم­داستىرۋشىلار تاراپى­نان قاتىسۋشىلاردىڭ ساپالى لابوراتوريالىق دياگنوستي­كا­دان وتكەنىن قالايتىنىن بىلدىرەدى, – دەيدى INVITRO كومپانياسىنىڭ باس ديرەكتورى الەكساندرا تيموفەەۆا. ونىڭ ايتۋىنشا, وسى تۇر­عىدا كومپانيادا بارلىق ءمۇم­كىندىكتەر بار. بۇعان وزىق زاماناۋي جابدىقتار, جوعارى دارەجەلى ماماندار كومەككە كەلەدى. ءوز كەزەگىندە قىسقى ۋني­ۆەر­­سيادانى وتكىزۋ جانە ۇيىم­داستىرۋ ديرەكتسياسى ديرەك­تورىنىڭ ورىنباسارى كاميلا لۇقپانوۆا اتالعان سەرىك­تەس­تىكتىڭ ماڭىزدىلىعىن اتاپ ءوتتى. – ۋنيۆەرسيادانىڭ ۇيىم­داستىرۋ كوميتەتى سپورتشى­لار­عا بەيجاي قاراي المايدى, سوندىقتان ولاردىڭ ساپالى دياگنوستيكادان وتكەنىن قالايمىز. سونداي-اق, اناليزدەر پرو­فيلى ۋنيۆەرسيادانىڭ باستى ءارى ماڭىزدى مەديتسينالىق قامتاماسىز ەتۋى بولىپ تابىلادى. وسى ورايدا, INVITRO ءبىزدىڭ رەسمي سەرىكتەسىمىز اتانعانىنا وتە قۋانىشتىمىز. بۇدان بولەك, ويىندار كەزىندە الماتى قالاسىنىڭ 8 ستاتسيونارى مەديتسينالىق كومەك كورسەتىپ, 30 جەدەل جاردەم بريگاداسى جۇمىلدىرىلاتىن بولادى, – دەدى ول. گۇلزەينەپ سادىرقىزى, «ەگەمەن قازاقستان»