قازاقستان رەسپۋبليكاسىنىڭ ۋكرايناداعى ەلشىلىگىنىڭ باستاماسىمەن جامبىل جاباەۆ اتىنداعى كيەۆ قوعامدىق كىتاپحاناسىنىڭ قابىرعاسىندا العاش رەت ۋكرايناداعى قازاق دياسپوراسى وكىلدەرىنىڭ بالالارىنا ارنالعان قازاق ءتىلىن ۇيرەتۋ كلۋبى اشىلدى.
كۋرس باعدارلاماسىندا قازاق ءتىلىنىڭ گرامماتيكاسى مەن لەكسيكاسى, سونداي-اق,
قازاق حالقىنىڭ ۇلى ويشىلدارىنىڭ ەڭبەكتەرىمەن تانىستىرۋ ساباقتارى كوزدەلگەن. قازاقستان-
نىڭ مادەني-تاريحي مۇراسى, ەكونوميكاسى مەن قوعامدىق-ساياسي ومىرىنە قاتىستى ارنايى دارىستەر ءوتكىزۋ جوسپارلانۋدا.
كلۋبتىڭ اشىلۋ سالتاناتىندا ءسوز سويلەگەن ەلشى سامات ورداباەۆ مەملەكەتتىك ءتىلدى مەڭگەرۋ قازاقستانداعى ءبىرلىك پەن بىرەگەيلىكتى نىعايتۋدىڭ باستى فاكتورى ەكەنىن اتاپ ءوتتى.
كلۋب ءوزىنىڭ جۇمىسىن قازاقستان مەن ۋكراينا اراسىنداعى ديپلوماتيالىق قارىم-قاتىناستار ورناتىلۋىنىڭ 25 جىلدىعىنا وراي باستادى. «بۇل باستاما قازاقستان-ۋكراينا دوستىعىنىڭ ءارى قاراي تەرەڭدەتىلۋىنە تاعى ءبىر جاقسى قادام بولاتىنىنا سەنىمدىمىن», – دەدى ەلشى.
ءوز كەزەگىندە ۋكرايناداعى قازاق دياسپوراسىنىڭ وكىلدەرى انا ءتىلدەرىن شەت ەلدە ۇيرەنۋگە بەرىلگەن ءمۇمكىندىك ءۇشىن العىستارىن ايتتى.
«ەگەمەن-اقپارات»
سوڭعى جاڭالىقتار
قازاقستاندىق شاڭعىشى قىزداردىڭ جەكەلەي سايىستاعى ناتيجەسى قانداي؟
وليمپيادا • كەشە
ەرتەڭ استانادا ءبىرىنشى اۋىسىم وقۋشىلارى قاشىقتان وقيدى
اۋا رايى • كەشە
قازاقستاندا وڭدەۋ ونەركاسىبى 6,4%-عا ءوستى
ءوندىرىس • كەشە
