ءوزارا ىقپالداستىقتىڭ ءتيىمدى جولدارى

«قورعاس – شىعىس قاقپاسى» ەركىن ەكونوميكالىق ايماعى (ەەا) ۆەتنامنان قازاقستان اۋماعى ارقىلى ەۋروپاعا تاۋار جەتكىزۋ كوپىرىنە اينالىپ كەلەدى. تاياۋدا «ۆەتنام تەمىر­جول­­­دارى» مك باس ديرەك­تو­­رى­نىڭ ورىن­­باسارى فان كۋوك ان باس­تا­­عان ۆەتنام تەمىر­جول­­­­شىلارى «قورعاس – شىعىس قاق­­­­پاسى» ەەا نى­­ساندارى مەن ال­تىن­كول ستانسا­سىن­­دا بولدى. سون­­داي-اق, دەلەگا­تسيا الماتىدا ءوتىپ جاتقان تەمىرجولدار ىنتى­ماق­­­تاستىعى وداعى (تجىو) كە­ڭە­­سى اياسىندا ەەا نىساندارىن ارا­لادى. ۆەتنام تەمىرجولشىلارى قۇر­عاق پورت, لوگيستيكالىق جانە ين­دۋستريالىق ايماق, مو­ني­تو­رينگىلىك ورتالىق, جەڭىل­دىك­تەر مەن پرەفەرەنتسيالار, كولىك لو­گي­ستيكالىق حاب مۇمكىندىگى, ال­تىن­كول – قورعاس شە­كارالىق وتكەلى جۇ­مىسىمەن تانىستى. ءوز كەزەگىندە فان كۋوك ان «قورعاس – شىعىس قاقپاسى» ەەا ءمۇم­كىندىگىن, قازاقستان – قىتاي تە­مىرجول شەكارالىق وتكەلى جايىن جوعارى باعالاپ, شىعىس ازيا مەن ەۋروپانى جالعايتىن حابتىڭ بول­اشاعى زور ەكەندىگىن اتاپ ءوتتى. دەلەگاتسيا باسشىسىنىڭ اي­تۋىن­شا, اسەان ەلدەرى ەۋروپاعا قىتاي, قازاقستان اۋماعى, اسىرەسە, قور­عاس ارقىلى ترانزيتتىك تا­- ۋ­ار­­لار­­دى وتكىزۋدى قالايدى. ۆە­ت­­نام ەاەو ەلدەرىمەن ەركىن ساۋ­­­دا اينا­لىمى تۋرالى رەسمي كە­­لىسىمگە قول قويعان. بۇل ءوز كە­زە­گىن­دە تاۋارلاردىڭ شىعىس ءجا­نە با­تىس ەۋروپا ەلدەرىنەن جە­ت­كى­زى­لۋىن جەڭىلدەتەدى. ونىڭ سوزىنە قاراعاندا, بيىل­عى جىلدىڭ وزىندە ۆەتنام تاۋ­ارلارى قورعاس ارقىلى قازاق­ستان­­عا, ودان ءارى ورتالىق ازيا ەل­دەرى جانە ەۋ­رو­پاعا شى­عا­دى. «ءبىز قازاقستاندىق استىقتى ءجا­نە باسقا دا تاۋارلاردى قۇر­لىق­­پەن تەمىر جول كولىگىمەن ليان­يۋن­گان پورتىنان تۇسىرمەي-اق, حانويعا جەتكىزۋدى جوسپارلاۋدامىز. بيىلعى جىلى العاشقى پوي­ىز­دى شىعارىپ, ودان كەيىن ونى تۇ­راقتى جۇرگىزەتىن بولامىز», – دە­دى فان كۋوك ان. قازاقستان, قىتاي, ۆەتنام اۋ­­ماعىمەن ترانزيتتىك تاسىمالدى دۋندان (ۆەتنام) – پەنسەن (قىتاي) – دوستىق جانە التىنكول (قازاقستان) شەكارالىق وتكەلدەرى ارقىلى جىبەرۋدىڭ بولاشاعى زور. «بىزگە ۆەتنام نارىعى وتە تارتىمدى. كونتەينەرلىك پوي­ىز­عا باسىمدىق بەرەمىز. ياع­ني, ەلباسى جولداۋىندا ايتىلعانداي, ترا­ن­زيت­تىك جانە كونتەينەرلىك تا­سىمالدى دا­مىتۋعا مۇددە­لى­مىز», – دەيدى «قتج» ۇك» اق پرە­زي­دەنتىنىڭ كە­ڭەسشىسى امان­جول يبراگيموۆ. ايتا كەتەيىك, بيىلعى 20 اق­پان­دا ۆەتنام استاناسى حا­نوي­دا «قتج» ۇك» اق پرەز­ي­دەنتى قانات الپىسباەۆ ۆەتنام كولىك مي­نيسترى چىونگ كۋانگ نگيا جانە «ۆتج» مك باس ديرەكتورى ۆۋ تا تۋنگپەن كەز­دە­سىپ, كولىك سا­لا­سىنداعى ءوزا­را سە­رىكتەستىكتى دا­مىتۋ تۋرالى ءپى­كىر الىسىپ, ناتيجەسىندە­, ەكى ەلدىڭ تەمىر جول سالاسىنداعى اكىمشىلىكتەرى ارا­­سىن­دا سەرىكتەستىك تۋرالى مە­مو­ران­دۋمعا قول قويىلعان بولاتىن. جولدىباي بازار, «ەگەمەن قازاقستان»