جۇمىسپەن قامتۋ باعدارلاماسىنا وزگەرىستەر ەنگىزىلەدى

جۇمىسپەن قامتۋ باعدارلاماسىنا وزگەرىستەر ەنگىزىلەتىنى تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى مەن باسقا دا مەملەكەتتىك مەكەمەلەر وكىلدەرى قاتىسقان جيىندا ايتىلدى. وندا جوعارى جانە ارناۋلى ءبىلىمى بار جاستاردى ەڭبەكپەن قامتۋ اقساپ تۇرعانى ءسوز بولدى. وسىعان جاۋاپتى ۆەدومستۆو باسشىسى تامارا دۇيسەنوۆا: «جۇمىسپەن قامتۋ باعدارلاماسىنا وزگەرىستەر ازىرلەنىپ جاتىر», – دەيدى. جاڭا جوبادا جاستاردىڭ وقۋ اقىسى مەن وزگە شىعىندارىن مەملەكەت تولەيتىنى ايتىلدى. ول ءۇشىن بيۋدجەتتەن 85 ملرد تەڭگە ءبولۋ قاراستىرىلۋدا. «ءبىز جاڭا باعدارلامادا جۇمىس بەرۋشىنىڭ تاپسىرىسى بويىنشا وقىتۋ ماسەلەسىن الىپ تاستاعان بولاتىنبىز. سوندىقتان قايتادان قوسىپ جاتىرمىز. ەگەر دە جۇمىس بەرۋشى وقىتاتىن بولسا, 80 پايىزعا دەيىن قاراجاتىن ول تولەپ, 20 پايىزىن مەملەكەت تولەپ, دايارلاپ بەرۋ ماسەلەسىن قايتادان قويايىن دەپ وتىرمىز. سودان كەيىن جۇمىسپەن قامتۋ تەك قانا ەڭبەك مينيسترلىگىنىڭ جۇمىسى ەمەس, ول بارلىق مينيسترلىكتىڭ جۇمىسى دەپ بەلگىلەنىپ, ءاربىر مينيسترلىكتىڭ وزدەرىنە قاجەتتى فۋنكتسيالارىن قويىپ جاتىرمىز», دەدى قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.