ىقپالداستىق رايىنداعى ساپار

قارجى ءمينيسترى باقىت سۇلتانوۆتىڭ باسشىلىعىمەن قازاق­ستان­دىق دەلەگاتسيا يزرايل مەملەكەتىندە بولىپ قايتتى. دەلەگاتسيا قۇرامىندا مينيستر ب.اتامقۇلوۆ باستاعان قور­عانىس جانە اەروعارىش سون­داي-اق قورعانىس مينيستر­لىك­­­تەرىنىڭ, ت.ب. ۇيىم­­داردىڭ وكىل­دەرى بولدى. ساپار بارىسىندا قارجى مي­نيسترى باقىت سۇلتانوۆ يزرايل قارجى ءمينيسترى موشە كاح­لون­مەن, يزرايل سىر­تقى ىستەر مي­­ني­ستر­لىگىنىڭ باس­شى­لى­عىمەن كەز­دەستى. قازاقستان-يزرايل بىرلەسكەن كوميسسياسى قازاقستانعا ين­ۆەس­­تي­­تسيا­لاردى تارتۋ جانە ءبىز­دىڭ مەملە­كەتتەردە بيزنەس ءجۇر­گى­زۋ شارتتارىن جاساۋ ءۇشىن قۇ­رال­داردىڭ ءبىرى بولىپ تا­بى­­لادى. وسىعان بايلا­نىس­تى, ب.سۇلتانوۆ بىرلەسكەن كو­ميس­سيا­نىڭ تەڭتوراعاسى رەتىندە بيز­­­نەس قاۋىمىنىڭ وكىلدەرىمەن كەز­­دەستى. سونىمەن قاتار, قازاقستان­نىڭ قارجى مينيسترلىگىنىڭ وكىل­دە­رىمەن يزرايل ۇكىمەتىندە مەركاۆا جوبا­سىن ىسكە اسىرۋ مى­سالىندا جال­پى سەرۆيستىڭ مەم­لەكەتتىك ورتا­لىعىن قۇ­رۋ, بيۋدجەتتىك جوسپارلاۋ پرو­­­­تسەستەرىن, مەملەكەتتىك اك­تيۆ­تەردى, مەملەكەتتىك ساتىپ الۋ­­­دى باسقارۋدى اۆتوماتتاندى­رۋ تاجىريبەسى قاراستىرىلدى. بۇدان باسقا, اقپاراتتىق-كوممۋ­نيكاتسيالىق سالادا ساراپشىلار دەڭگەيىندە «تسيفر­لى قازاقستان» جانە «تسيفرلى يزرايل» مەملەكەتتىك باع­دار­لامالار شەڭ­بە­رىندە ىنتى­ماق­­تاستىقتا قول جەت­كىزىلدى. اگ­رو­­­­تەح­­­نولوگيالار سا­لا­سىندا اۋ­ىل شارۋاشىلىعى مينيستر­لى­­­­گ­ى­نىڭ ساراپشىلارى تەحنولو­گيا­­­­لار ترانسفەرتى اياسىندا ءجا­نە بىرلەسكەن كاسىپورىندار قۇ­رۋ بوي­­ىنشا قازاقستاندىق ءجا­نە يز­رايلدىك اگراريلەردىڭ ور­تاق ىنتىماقتاستىعى ءۇشىن ءمۇم­كىن­دىكتەر قاراستىرىلدى. دەن­ساۋ­لىق ساقتاۋ سالاسىندا قازاقستان­نىڭ دەنساۋلىق ساقتاۋ مينيسترلىگى سا­راپ­شى­لارىنىڭ بىلىكتىلىگىن كو­تە­رۋ, قازاقستاندا يز­رايلدىك سا­­راپ­شىلاردىڭ شە­بەر­لىك-سا­باق­تارىن وتكىزۋ, قا­زاق­ستان­دىق ۋني­­ۆەرسيتەتتىك كلينيكالاردى يزرايل­دىك كوم­پانيالاردىڭ باسقارۋىنا بەرۋ ماسەلەلەرى تالقىلاندى, دەپ حا­بارلادى قارجى مينيسترلىگىنىڭ ءباسپاسوز قىزمەتى.