قاراعاندى وبلىسىندا جەدەل جاردەمنىڭ جاڭا ءمودۋلى ەنگىزىلەدى

قاراعاندى وبلىسىندا جەدەل جاردەمنىڭ بىرىڭعاي ديسپەتچەرلىك قىزمەتى جوباسى قولعا الىندى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ ءمالىم ەتتى. ۆەدومستۆو باسشىسى ەلەكتروندى دەنساۋلىق ساقتاۋدى دامىتۋدىڭ قادامدارىنا توقتالدى. – 2017 جىلدىڭ قاڭتارىنان باس­تاپ وبلىستىق اۋرۋحانالاردا «ستا­تسيونار» دەنساۋلىق ساقتاۋدىڭ كە­شەندى مەديتسينالىق اقپاراتتىق جۇيە­سىنىڭ جاڭا ءمودۋلى ەنگىزىلۋدە. جوبا جەلتوقسانعا قاراي اياقتالادى. وسىلايشا, بارلىق مەديتسينالىق ۇيىمدار بىرىڭعاي اقپاراتتىق الاڭ­دا جۇمىس ىستەيدى, بۇل ەلەكتروندى دەن­ساۋلىق ساقتاۋ تولقۇجاتىن ءساتتى ەنگىزۋ مەن مىندەتتى الەۋمەتتىك مەدي­تسينالىق ساقتاندىرۋ جاعدايىندا جۇمىس ىستەۋگە كوشۋ ءۇشىن نەگىز بولادى. كەلەسى قادام جەدەل جاردەمنىڭ بىرىڭعاي ديسپەتچەرلىك قىزمەتىن قۇرۋ بولادى, – دەدى ە.نۇرلىباەۆ. ياعني, بارلىق شاقىرۋلار بىرىڭعاي اقپاراتتىق جۇيەگە ەنگىزىلەدى. جە­دەل جاردەم ماشينالارى GPS-ناۆي­گاتورلارمەن جابدىقتالادى. بيۋد­جەتتەن 36 رەانوموبيل ساتىپ الۋعا 1,2 ملرد تەڭگە بولىنبەك. سونىمەن قاتار ە.نۇرلىباەۆ قارا­عاندىدا جەدەل جاردەمنىڭ جاڭا ءۇش شاعىن ستانساسىن سالۋ تۋرالى شەشىم قابىلدانعانىن جەتكىزدى. 2017 جىلى جوبالاۋ-سمەتالىق قۇجاتتار ازىرلەۋگە قارجى ءبولىنىپ, قۇرىلىستى 2018 جىلى باستاۋ كوزدەلگەن. «ەكى شاعىن ستانسانىڭ ءبىرى ماي­قۇدىق اۋماعىندا, ەكىنشىسى سۇرىپتاۋ كەنتىنە ورنالاسادى. اتالعان جوبانى جۇزەگە اسىرۋ شۇعىل كومەكتى جاقسار­تۋعا مۇمكىندىك بەرەدى, دەپ اتاپ ءوتتى وبلىستىق دەنساۋلىق ساقتاۋ باسقار­ماسىنىڭ باسشىسى. ميراس اسان, «ەگەمەن قازاقستان» قاراعاندى