ريككي حاتتون: جاقيانوۆ – مەنىڭ ماقتانىشىم

WBA جانە IBO نۇسقالارى بويىنشا جەڭىل سالماقتا الەم چەمپيونى جانات جاقيانوۆتىڭ باپكەرى ريككي حاتتون بىرەر كۇن بۇرىن وتكەن جەكپە-جەك جايلى وي ءبولىستى. بۇل تۋرالى sports.kz حابارلادى. «جانات – مەنىڭ ماقتانىشىم! ەكەۋىمىزدىڭ جاتتىعىپ جۇرگەنىمىزگە بىرنەشە جىلدىڭ ءجۇزى ءوتتى. ونىڭ چەمپيوندىق اتاققا قول جەتكىزەتىنىنە سەنىمىم مول بولدى. بۇل مەنىڭ كونستانتين تسزيۋگە قارسى ايقاسىم سياقتى ءوربىدى. و باستان-اق, ۋوررەندى جىلدامدىعى مەن تالانتىنىڭ ارقاسىندا جەڭبەيتىنىن ءارى العاشقى راۋندتاردا ەسە جىبەرەتىنىن بىلگەن ەدىم. بىراق قارقىنىنان تايماي, وسال تۇستارىن وزىنە ءتيىمدى پايدالانىپ, لايىقتى جەڭىسكە جەتتى. ءبىرىنشى راۋندتا بولعان جايتقا ءبىز قارسى ەشنارسە ىستەي المادىق, الايدا, بۇدان كەيىن قولدانعان تاكتيكامىز جۇزەگە اسقانىنا قۋانىشتىمىن. چەمپيوندارعا لايىقتى جۇدىرىقتاسقانىنىڭ ارقاسىندا مىنە, تيتۋلدارىنا قول جەتكىزدى», – دەدى حاتتون. «بوكسشىلىق عۇمىرىمدا ءتورت دۇركىن چەمپيون بولعان ەدىم, مىنە, ەندى چەمپيوننىڭ باپكەرى ءارى پروموۋتەرى بولىپ وتىرمىن. مۇنداي دارەجەگە جەتۋ كەز كەلگەننىڭ قولىنان كەلە بەرمەيدى. كوماندامىزدا مايك دجەكسون جانە بلەين يۋنيس سەكىلدى مايتالماندار بار. كوپ ۇزاماي ولار دا چەمپيون اتانادى دەپ ۇمىتتەنەمىن», – دەدى جاقيانوۆتىڭ جاتتىقتىرۋشىسى.