قازاقستاندا «بيزنەس-تىرەگى» موبيلدىك قوسىمشاسى ىسكە قوسىلادى

2017 جىلعى 1 شىلدەدەن باستاپ كاسىپكەرلەر فيسكالدارمەن بولىپ جاتاتىن داۋلاردى سوتتاعى داۋسىز جانە ۇلكەن شىعىستارسىز شەشە الاتىن بولاتاتىنىنا نازار اۋدارىلدى, دەپ حابارلادى باس پروكۋراتۋرانىڭ ءباسپاسوز قىزمەتى. قسجاەك توراعاسى باعدات مۋسين پروكۋراتۋرا ازىرلەگەن جاڭا تسيفرلىق تەحنولوگيالار تۋرالى ايتىپ ءوتتى. اتاپ ايتا كەتەتىن بولساق,  «بيزنەس-تىرەگى» (2013 جىلى ەنگىزىلگەن) اقپاراتتىق سەرۆيسىن پايدالانا وتىرىپ 55 مىڭنان استام تەكسەرىستىڭ زاڭدىلىقتارى تەكسەرىلدى. وتكەن جىلدىڭ وزىندە 700 نەگىزسىز تەكسەرۋدىڭ جولى كەسىلدى جانە  300 شەنەۋنىك  جازالاندى. جۋىق ارادا «بيزنەس-تىرەگى» پورتالىنىڭ ءموبيلدى قوسىمشاسى ەنگىزىلەتىن بولادى. ەتسق-سىز جۇگىنۋگە بولادى. باس پروكۋراتۋرانىڭ سايتىندا ارنايى فورمۋليار بار, وندا كاسىپكەرلەر بيزنەستىڭ دامۋىنا كەدەرگى كەلتىرەتىن نورمالاردى كورسەتە الادى.  بيزنەسمەندەردەن 58 ۇسىنىس كەلىپ تۇسكەن, ونىڭ 31-ءىن باس پروكۋراتۋرا قولداپ وتىر. بۇل سىلتەمەلەر   «اتامەكەن» كۇپ, سونداي-اق «نۇر وتان» پارتياسىنىڭ بارلىق وڭىرلىك سايتتارىندا قولجەتىمدى. القا وتىرىسىن قورىتا كەلە, جاقىپ اسانوۆ Iت-تەحنولوگياسىن ودان ءارى دامىتۋدىڭ ماڭىزدىلىعىن اتاپ ءوتتى. سونداي-اق مەملەكەت باسشىسىنىڭ جولداۋىنان تۋىندايتىن باستى باعىتتار مەن باعدارلاردى دا اتاپ كورسەتتى. بۇل بيزنەستى دامىتۋ, سالىق زاڭناماسىن وڭايلاتۋ, باقىلاۋ-قاداعالاۋ قىزمەتتەرىنە اۋقىمدى تەكەرىس وتكىزۋ. باس پروكۋراتۋرانىڭ تالىقلاۋ قورىتىندىسى بويىنشا بارلىق مۇددەلى تاراپتارمەن بىرلەسە وتىرىپ, جول كارتاسى ءىس-شارالارىن وزەكتەندىرۋ تۋرالى شەشىم قابىلداندى.