حالىقارالىق ۇيىمدار باسشىلارىن ماراپاتتادى

قازاقستاننىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلدىگى – ەلىمىزدىڭ اۆسترياداعى ەلشىلىگىندە اتوم ەنەرگياسى جونىندەگى حالىقارالىق اگەنتتىكتىڭ (ماگاتە) باس ديرەكتورى يۋكيا امانو مەن يادرولىق سىناقتارعا جاپپاي تىيىم سالۋ تۋرالى شارت ۇيىمىنىڭ (ياسجتشۇ) اتقارۋشى حاتشىسى لاسسينا زەربونى قازاقستاننىڭ اتالعان ۇيىمدارمەن قارىم-قاتىناسىن دامىتۋداعى قوسقان ۇلەسى ءۇشىن, ەلباسى نۇرسۇلتان نازارباەۆتىڭ جارلىعىنا سايكەس «قازاقستان رەسپۋبليكاسىنىڭ تاۋەلسىزدىگىنە – 25 جىل» مەرەكەلىك مەدالىمەن ماراپاتتاۋ ءراسىمى ءوتتى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى. قازاقستاننىڭ اۆستريا رەس­پۋب­­لي­كا­سىنداعى توتەنشە جانە وكى­لەتتى ەلشىسى, سونداي-اق, ەلىمىز­دىڭ ۆەناداعى حالىقارالىق ۇيىم­­دار جانىنداعى تۇراقتى وكىلى قايرات سارىباي شارا بارى­سىن­دا قازاقستاننىڭ ياسجتشۇ جانە ماگاتە-مەن تى­عىز بايلانىس ورنا­تىپ وتىر­عا­نىن, اسىرەسە, يادرو­لىق قارۋ­دى تاراتپاۋ ماسەلەسىندە تاراپ­تار­دىڭ ۇلكەن جەتىستىكتەرگە جەت­كەنىن اتاپ ءوتتى. سونداي-اق, ول مەم­لەكەت باسشىسى نۇرسۇلتان نازارباەۆتىڭ «الەم. ءححى عاسىر» ماني­­فەسىنىڭ ماڭىزدىلىعىنا قا­تى­سۋ­شىلار نازارىن اۋدارا كە­لىپ, ونىڭ بۇۇ دەڭگەيىندەگى قۇ­جات رەتىندە تانىلعانىنا ەكپىن بەردى. ءوز كەزەكتەرىندە ماراپات يە­لەرى قازاقستان حالقىن ەل تاۋەل­سىز­دىگىنىڭ 25 جىلدىعىمەن قۇت­تىق­تاي كەلىپ, پرەزيدەنت ن.نازارباەۆقا ءوز قىز­مەتتەرىن وڭ باعالاعانى ءۇشىن العىس­­تارىن جول­دادى. سونداي-اق, قازاق­ستان­نىڭ حالىقارالىق قاۋىپ­سىزدىك­تى نىعايتۋداعى ماڭىزدى ءرولى مەن يادرولىق قارۋدى تاراتپاۋ ماسە­لە­سىن­دەگى بەلسەندى ءىس-ارەكەتىن اتاپ كورسەتتى. ماسەلەن, يۋكيا امانو پرەزي­دەنت نۇرسۇلتان نازارباەۆتىڭ باس­شىلىعىمەن قازاقستان قارۋ­سىزدانۋ جانە يادرولىق قارۋ­­دى تاراتپاۋ ىسىنە زور ۇلەس قوس­قانىن جەتكىزدى. وسى ورايدا, اگەنت­­­تىك­تىڭ باس ديرەكتورى ەلى­مىز­­دە تومەن بايىتىلعان ۋران بانكىن قۇرۋ­داعى جانە يراننىڭ يادرو­لىق باع­دار­لاماسى جونىندەگى ءبىر­لەس­كەن ءىس-ارە­كەتتەر جوسپارىن جۇزەگە اسى­رۋ­داعى زور ۇلەسى ءۇشىن قازاق­ستان تاراپىنا ريزاشىلىعىن ءبىلدىردى. لاسسينا زەربو ءوز كەزەگىندە پرە­زيدەنت ن.ءا.نازارباەۆتىڭ يادرو­لىق قارۋسىزدانۋ ۇدەرىسى شەڭبەرىندەگى سەمەي يادرولىق سىناق پوليگونىن جابۋ تۋرالى شەشىمىنىڭ ماڭىزدىلىعىن ايتا كەلىپ, وسى قادامنىڭ يادرولىق سىناقتارعا جاپپاي تىيىم سالۋ تۋرالى شارتتى قابىلداۋعا نەگىز سالعانىن ءمالىم ەتتى. سونىمەن قاتار, لاسسينا زەربو قازاقستان ۇيىمنىڭ ەڭ بەل­­سەن­­دى سەرىكتەسى ەكەنىن جەتكىزە وتى­­رىپ, ەلىمىزدىڭ يادرولىق سى­ناق­­تارعا جاپپاي تىيىم سالۋ تۋرالى شارت­تىڭ 14-بابى بويىن­شا كون­فە­رەنتسياسىنىڭ تەڭ توراعا­سى رەتىن­دەگى قىزمەتىن جو­عا­رى باعالادى. ايتا كەتەيىك, ماراپاتتاۋ ءراسى­­مىنە شەت مەملەكەتتەردىڭ ەلشى­لەرى, اۆستريانىڭ سىرتقى ساياسات ۆەدومستۆوسىنىڭ, ۆەناداعى حا­لىق­ارالىق ۇيىمداردىڭ, سون­داي-اق, جەرگىلىكتى بۇقارالىق اقپارات قۇرالدارىنىڭ وكىلدەرى قاتىستى.