ۇندەۋگە جاستار دا ءۇن قوستى

ەلوردادا «دامۋ» كاسىپكەرلىكتى قولداۋ قورىنىڭ بازاسىندا رەسپۋبليكالىق جاستار ۇيىمدارى كوشباسشىلارىنىڭ كەزدەسۋى ءوتتى. كەزدەسۋگە قازاقستان جاستارىنىڭ كونگرەسى مۇرىندىق بولعانىن ايتا كەتكەن ءجون. القالى جيىنعا «قازاقستان جاستارى­نىڭ كونگرەسى» زاڭدى تۇلعالار ءبىر­لەستىگى اپپاراتىنىڭ جەتەكشىسى داۋلەت ءاجدار, «جاسىل ەل» جاستار ەڭبەك جاساقتارى رەسپۋبليكالىق شتابىنىڭ جەتەكشىسى توقتار بولىسوۆ, «بولاشاق» باعدارلاماسى تۇلەكتەرىنىڭ قاۋىم­داستىعى توراعاسىنىڭ ورىنباسارى اسلان نۇرتىلەۋوۆ, «جاس وتان» جاستار قاناتىنىڭ وكىلى داۋرەن ۇزاقباەۆ جانە ەلورداداعى جوعارى وقۋ ورىندارى جاستار ءىسى جونىندەگى كوميتەتتەرىنىڭ وكىلدەرى مەن ستۋدەنتتەر قاتىستى. شارا بارىسىندا جاستار مەملەكەت باسشىسىنىڭ بيلىك تارماقتارى اراسىندا وكىلەتتىكتەردى قايتا ءبولۋ ماسەلە­لەرى جونىندەگى ۇندەۋىن تالقىلادى. سونى­مەن قاتار, پرەزيدەنتتىڭ قازاقستان حالقىنا ارناعان جولداۋىنىڭ نەگىزگى يدەيالارىنا, وندا ايتىلعان, جاستارعا تىكەلەي قاتىسى بار ءتورتىنشى جانە بەسىنشى باسىمدىقتارعا قاتىستى ءوزارا وي ءبولىستى. ايتا كەتەيىك, 25 قاڭتاردا ەلباسى بيلىك تارماقتارىنىڭ اراسىندا وكىلەت­تىك­تەردى قايتا ءبولۋ ماسەلەلەرى ءجونىن­دە ۇندەۋ جاريالاپ, ءوز وكىلەتتىكتەرى­نىڭ ءبىر بولىگىن پارلامەنت پەن ۇكىمەتكە بەرۋ تۋرالى باستاما كوتەرگەنى بەلگىلى. جاڭا وزگەرىستەر بويىنشا پارلامەنت مينيستر­لەر كابينەتىن جاساقتايدى, ۇكى­مەت­تىڭ ەكونوميكالىق ساياساتتاعى وكىلەتتىكتەرى كۇشەيەدى. ارنۇر اسقار, «ەگەمەن قازاقستان»