شقو قۇتقارۋشىلارى تج جاريالانعان اۋىل تۇرعىندارىنا كومەك كورسەتۋدە

شىعىس قازاقستان وبلىسى تجد قۇتقارۋشىلارى بىرنەشە كۇن بۇرىن تابيعي سيپاتتاعى تج جاريالانعان اۋىلدىق وكرۋگتەردىڭ تۇرعىندارىنا ازىق-ت ۇلىك جەتكىزۋگە كومەكتەستى, دەپ حابارلادى شىعىس قازاقستان وبلىسىنىڭ توتەنشە جاعدايلار دەپارتامەنتى. قاراولەڭ, ابرالى, اينابۇلاق, تاڭات, اقبۇلاق, جازىق, جيەنالى جانە زنامەنكا اۋىلدىق وكرۋگتەرىندە سەمەي قالاسى اكىمىنىڭ وكىمى بويىنشا جەرگىلىكتى كولەمدەگى تابيعي سيپاتتاعى توتەنشە جاعداي جاريالانعان بولاتىن. قولايسىز اۋا-رايىنا بايلانىستى ەلدىمەكەندەر, قىستاق ۋچاسكەلەرى اراسىندا كولىك قاتىناسى بۇزىلعان. شارۋاشىلىقتاعى جانۋارلار قوراعا قامالۋدا, سەبەبى جايىلىمداردى كەي جەرلەردە قالىڭدىعى 0,5-0,7م دەيىن قالىڭ قار باسىپ, مۇز قاتىپ قالعان. سەمەي قالاسىنىڭ ءورت سوندىرۋشىلەرى وتىمدىلىگى جوعارى تەحنيكانىڭ ارقاسىندا اتالمىش اۋىلداردىڭ تۇرعىندارىنا ازىق-ت ۇلىك جەتكىزىپ بەرۋدە. وسى ۋاقىتتا, ۇلان اۋدانىنىڭ قۇتقارۋشىلارى سىرقاتتانىپ قالعان ەر ادامعا كومەكتەستى, تەكشىل ۋچاسكەسىنەن بوزانباي اۋىلىنا جەتكىزدى. سىرقات دارىگەرلەرگە ءوتىنىش بىلدىرگەن, الايدا جەدەل جاردەم كولىگى شاقىرۋ ورنىنا جەتە الماعان. قۇتقارۋشىلار متلب كومەگىمەن 15 شاقىرىمدى باسىپ ءوتىپ, ەر ادامدى بوزانبايعا جەتكىزدى.