قر ۇەم بيزنەستى باقىلاۋدان بوساتۋ شارالارىن بەكىتەدى

ۇلتتىق ەكونوميكا ءمينيسترى تيمۋر سۇلەيمەنوۆ مينيسترلەر كابينەتىنىڭ وتىرىسىندا ۇكىمەتتىڭ 2017-ءنىڭ جارتى جىلدىق جۇمىس جوسپارىن تانىستىردى, دەپ حابارلادى قر ۇلتتىق ەكونوميكا مينيسترلىگىنىڭ ءباسپاسوز قىزمەتى «ەكسپورتتىق جاعراپيانى كەڭەيتىپ, شارتتاردى جەڭىلدەتۋ ءۇشىن, ءبىرىنشى جارتى جىلدىقتا  ەركىن ساۋدا-ساتتىق جۇرگىزۋ ءۇشىن بىرقاتار ەلدەرمەن (يران, يزرايل, ەگيپەت, سينگاپۋر, سەربيا ت.ب)  سونداي-اق, ساۋدا ەكونوميكالىق قارىم قاتىناس تۋرالى قحر-مەن كەلىسسوزدەر جالعاسادى»,-دەدى سۇلەيمەنوۆ. ونىڭ ايتۋىنشا ەاەو, شىۇ جانە جىبەك جولى ەكونوميكالىق بەلدەۋىنە قاتىستى ۇلتتىق ەكونوميكالىق مۇددەمىزدى قورعاۋ جانە كۇشەيتۋ ءۇشىن, مامىر ايىندا پرەزيدەنت اكىمشىلىگىنە ەكونوميكالىق ديپلوماتيانى جانداندىرۋ جانە قايتا قاراۋ تۋرالى ۇسىنىستار جولدانادى. «جەكە سەكتورعا جاعداي جاساۋ ءۇشىن ءبىرىنشى جارتى جىلدىقتا دامىعان ەلدەردىڭ وزىق تاجىريبەسى نەگىزىندە بيزنەستى باقىلاۋدان بوساتۋدىڭ جۇيەلى شارالارى بەكىتىلەدى. ناۋرىزدا باقىلاۋ-قاداعالاۋ قىزمەتتەرى جاپپاي تەكسەرىلىپ,  ولاردى قىسقارتۋ جانە تەكسەرۋشى ورگانداردى سانىن ازايتۋ تۋرالى ۇسىنىس ۇكىمەتكە جولدانادى», -دەدى. مينيستر بيىل زاڭناماعا بيزنەستكە قاتىستى اكىمشىلىك كەدەرگىلەر مەن اسىرا تالاپتاردى قىسقارتۋ تۋرالى وزگەرىستەر تولىعىمەن ەنگىزىلەدى دەپ اتاپ ءوتتى. «1 ناۋرىزعا دەيىن ءبىز ۇكىمەتكە 2018 جىلى جەكەشەلەندىرىلەتىن نىسانداردىڭ ءتىزىمىن دايىنداپ بەرەمىز. سونداي اق, 1 ناۋرىزعا دەيىن مەملەكەت پەن كۆازيمەملەكەتتىك سەكتوردا قالاتىن نىساندار ءتىزىمى بەلگىلى بولادى. وسى ەكى تىزىمگە دە كىرمەگەندەر Yellow pages rules پرينتسيپتەرىنە سايكەس  تاراتىلادى», - دەدى مينيستر. بۇدان بولەك, وڭىرلەردە مجس-ءتى جانداندىرۋ ءۇشىن, ساراپتاۋدان كەلىسىم شارتقا وتىرۋ مەرزىمى 4-6 اي  ياعني قازىرگىدەن 2,5 ەسەگە قىسقارتىلادى. ماۋسىمدا ينۆەستورلاردى تارتۋ ءۇشىن, رەسپۋبليكالىق جانە وڭىرلىك مجس جوبالارىنىڭ بىرىڭعاي اقپاراتتىق بازاسى قۇرىلادى. جىل بويىندا مجس بويىنشا 54 جوبا بايقاۋعا شىعارىلادى. «قاڭتاردا ۇەم بۇيرىعىمەن قالالاردا نەسيەلەۋ/شاعىن نەسيەلەۋ تالاپتارى, ەدب مەن قارجى ۇيىمدارى بەرەتىن شاعىن نەسيەلەردى كەپىلدەندىرۋ, كاسىپكەرلىككە وقىتۋ نەگىزدەرى بەكىتىلەدى. «بيزنەس باستاۋ» جوباسى بويىنشا ناۋرىزدا جۇمىسسىزدار مەن ءوزىن ءوزى جۇمىسپەن قامتىعانداردى كاسىپكەرلىككە باۋليتىن وقىتۋ باعدارلاماسى باستالادى», - دەپ مالىمدەدى. سونداي اق, ول مامىردا  ەبدۇ ۇسىنىسىن ىسكە اسىرۋ ماقساتىندا ۇلتتىق جول كارتاسى قۇرىلادى جانە مەملەكەتتىك باعدارلاما اياسىندا قازاقستاننىڭ ەبدۇ-نىڭ 13- قۇقىقتىق قۇرالى مەن ەبدۇ-نىڭ 2-كوميتەتىمەن قارىم-قاتىناس جۇمىسىن ۇيلەستىرۋ جالعاسادى. ال ساۋىردە قازاقستان ەبدۇ-نىڭ ينۆەستيتسيالار جونىندەگى كوميتەتىنە قوسىلۋى مۇمكىن. «ماۋسىمدا استانا ەكونوميكالىق فورۋمىن وتكىزۋ جوسپاردا بار. بيىل «جاڭا ەنەرگيا –جاڭا ەكونوميكا» دەگەن تاقىرىپ ۇسىنىلدى. باستى شارالار اياسىندا مەملەكەت باسشىسىنىڭ قاتىسۋىمەن پلەنارلىق وتىرىس وتكىزۋ جوسپارلانعان. فورۋم حالىقارالىق سەرىكتەستەرمەن (بۇۇ, ەبدۇ, دۇنيەجۇزىلىك بانك, ەدققب, اققب,  The Economist, Bloomberg ت.ب) بىرلەسىپ ۇيىمداستىرىلدى», - دەدى مينيستر.