بۇگىن استانادا «عاسىرلار توعىسىندا ء(حىح-حح)» كونتسەرتى وتەدى

8 اقپاندا«استانا وپەرا» تەاترىنىڭ كامەرالىق زالى ساحناسىندا «عاسىرلار توعىسىندا ء(حىح-حح)» كونتسەرتى وتەدى, دەپ حابارلادى قر مادەنيەت جانە سپورت مينيسترلىگىنىڭ ءباسپاسوز قىزمەتى. حىح عاسىردىڭ سوڭى مەن حح عاسىردىڭ باسىندا مۋزىكا تاريحي وقيعالاردى بەينەلەيتىن بىردەن-ءبىر قاينار كوز رەتىندە قىزمەت ەتىپ, كوپتەگەن ۇلى كومپوزيتورلار سول وقيعالاردىڭ كۋاگەرى بولدى. وسى ءبىر قيىن كەزەڭدە دۇنيەگە كەلگەن اسەرلى اسپاپتى شىعارمالار, ەلوردا تۇرعىندارى مەن قوناقتارىنىڭ نازارىنا ۇسىنىلماقشى. اتالعان كەشتە تالانتتى مۋزىكانتتار – پيانينوشىلار ۆياچەسلاۆ ۋزبەكوۆ, ەلميرا سۇلتانعازينا, دانيار ەسىمحانوۆ, گۇلدانا تولەپبەرگەن, ءىلياس وزبەكوۆ, سكريپكاشى بالنۇر قۇدايبەرگەن جانە كلارنەتشى الماز توقپانوۆ ونەر كورسەتەدى. سونداي-اق, كورەرمەنگە كلود دەبيۋسسيدىڭ كلارنەت پەن فورتەپيانوعا ارنالعان №1 (L 116) راپسودياسى ۇسىنىلادى.