گولوۆكيندى جەڭۋ ءۇشىن دجەيكوبس قانداي ءادىس قولدانۋى ءتيىس؟

WBC نۇسقاسى بويىنشا ءبىرىنشى ورتا سالماقتا بۇرىنعى الەم چەمپيونى سەرحيو مورا قازاقستاندىق گەننادي گولوۆكيندى (36-0, 33 كو) جەڭۋ ءۇشىن دەننيەل دجەيكوبس (32-1, 29 كو) قانداي ءادىس قولدانۋى كەرەك ەكەندىگىن مالىمدەدى. بۇل تۋرالى sports.kz حابارلادى. «دجەيكوبس كەزدەسۋدىڭ باسىندا-اق وتكىر شابۋىلدارعا شىعىپ, جويقىن سوققىلارىن دارىتۋى ءتيىس. سونىمەن قاتار, گولوۆكيننىڭ ەكپىنىنە توتەپ بەرىپ, قىسىمىنان دەر كەزىندە شىعا ءبىلۋى قاجەت. مىنە, وسىلايشا ول قارسىلاسىنىڭ بەتىن قايتاردى», – دەپ جازدى تۋيتتەرىندە. بۇعان دەيىن سەرحيو مورا قوس بوكسشىنىڭ اراسىنداعى جەكپە-جەككە ءوز بولجامىن جاساعان. ايتۋىنا قاراعاندا, 18 ناۋرىز كۇنى Madison Square Garden ارەناسىندا جانكۇيەرلەر كۇتكەن ناعىز ايقاس بولادى. الايدا, امەريكالىق بۇل ۇرىستا ءۇش-ءتورت راۋندقا دەيىن عانا شىداۋى مۇمكىن. ايتا كەتەيىك, دجەيكوبس پەن مورا شارشى الاڭدا ەكى رەت كەزدەسكەن. 2015 جىلى تامىز ايىندا دەنني ەكىنشى راۋندتا-اق سۇلاتىپ سالسا, 2016 جىلدىڭ قىركۇيەگىندە جەتىنشى راۋندتا نوكاۋتپەن جەڭدى.