ءوندىرىس جاعدايىمەن تانىستى

ءماجىلىس دەپۋتاتتارى رومان كيم, ايقىن قوڭىروۆ, بەرىك وسپانوۆ سەمەي قالاسى­نىڭ ءىرى ءوندىرىس ورىندارىندا بولىپ, جۇمىسشىلارمەن كەزدەسۋ وتكىزدى. ولار حالىققا ەلباسىنىڭ جولداۋى­نىڭ ماڭى­زىن ءتۇسىندىردى. جانە كونستيتۋ­تسيا­ل­ىق رەفور­ماعا قاجەتتى ساۋالدار مەن ۇسىنىس­تاردى جازىپ الدى. ءماجىلىس دەپۋتاتتارى ەڭ الدىمەن «سەمەي» تسەمەنت زاۋىتىندا بولىپ, تسەمەنت ءونىمىن وندىرۋدەگى ەڭ جوعارى تەحنولوگيالارمەن تانىستى. «ەلباسىنىڭ ءاربىر جولداۋى ءبىزدىڭ الدىمىزعا ۇزاق جىلدارعا ارنالعان تاپسىرمالار جۇكتەيدى, – دەدى بەرىك وسپانوۆ. – «جاڭا باعدارلاما: جاڭعىرتۋ 3.0» الداعى جىلداردىڭ دامۋ جولىن ايقىنداپ بەردى. سوندىقتان دا تسەمەنت زاۋىتى قازاقستاندى جاڭعىرتۋعا مولىنان ۇلەس قوسادى دەپ ويلايمىز». ال ەندى «سەماز» جشس-دەگى كەزدەسۋ كەزىندە حا­لىق قالاۋلىلارى جۇمىسشى ماماندىقتارعا تۇر­عىن­­دار­دى كوبىرەك تارتۋ ماسەلەسىنە ەرەكشە نازار اۋدار­­دى. ەلباسىنىڭ تاپسىرماسىمەن وتكەن جىلدان باس­­تاپ, «ەڭبەك» جۇمىسپەن قامتۋ باعدارلاماسى قولعا الىن­عان. ونى تولىققاندى جۇزەگە اسىرعان ءجون. دەپۋ­تات­تاردىڭ ايتۋىنشا, بۇعان «نۇرلى جەر», «نۇر­لى جول» باعدارلامالارى دا قوسىمشا كومەك بولادى. «جاقىندا عانا الەمدىك قوعامداستىق USB 3.0 ارناسىنىڭ تۇساۋىن كەستى. بۇل – حات-حابار الماسۋداعى 10 ەسە جىلدامدىق. ءبىز دە «جاڭعىرتۋ 3.0» ارقىلى ءوندىرىستىڭ قۋاتىن ۇلعايتۋعا كۇش سالۋمىز كەرەك, – دەدى دەپۋتات ايقىن قوڭىروۆ. – ەكونوميكا الەم بويىنشا وتە جىلدام دامۋدا. ءبىزدىڭ دە كوش سوڭىندا قالىپ قويماۋىمىز كەرەك». راۋشان نۇعمانبەكوۆا, جۋرناليست سەمەي