ماجىلىسمەندەرمەن كەزدەستى

«جاس وتان» جاستار قاناتى استانا قالا­لىق فيليالى ەلباسى ن.ءا.نازارباەۆتىڭ پرەزيدەنت وكىلەتتىلىكتەرىن بيلىك تارماق­تارىنا ءبولۋ تۋرالى ۇندەۋىن جانە «قازاق­ستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن تالقى­لاۋ ءۇشىن جاستارمەن كەزدەسۋ وتكىزدى. ءىس-شاراعا پارلامەنت ءماجىلىسىنىڭ دەپۋتاتتارى پاۆەل كازانتسەۆ, ءجاميلا نۇرمانبەتوۆا, باقىت­جان ءابدىرايىم, جەكسەنباي دۇيسەباەۆ, زاعيپا باليەۆا, س.سەيفۋللين اتىنداعى قازاق اگرو­تە­ح­­­نيكالىق ۋنيۆەرسيتەتى رەكتورىنىڭ ءبىرىنشى ورىن­باسارى ايتجان ءابدىروۆ جانە ستۋدەنتتەر قاتىستى. كەزدەسۋگە قاتىسۋشىلار ءماجىلىس دەپۋ­تات­تارىنا ويلاندىرعان سۇراقتارىن قويا الدى. اتاپ ايتقاندا, س.سەيفۋللين اتىنداعى قازاق اگروتەح­نيكالىق ۋنيۆەرسيتەتىنىڭ 3-كۋرس ستۋدەنتى ايسۇلتان باعدات ۋاقىتشا مىندەتتى تىركەۋ زاڭىنا بايلانىستى سۇراعىن قويعان بولاتىن. – ۋاقىتشا مىندەتتى تىركەۋ زاڭى ەنگىزىلگەن­نەن بەرى پاتەر جالداپ تۇرۋشى ستۋدەنتتەرگە اۋىر ءتيدى. پاتەر يەلەرى تىركەۋگە تۇرعىزعانى ءۇشىن پاتەر­اقى­نى جوعارىلاتۋدا, ال كەيبىر پاتەر يەلەرى تىركەۋ­گە تۇر­عىزبايمىز دەپ پاتەرلەرىنەن قۋدا. وسى ءما­سە­لەنى شەشۋگە قانداي كومەك بەرە الاسىزدار؟ – دەدى ول. – ولار زاڭ بويىنشا ءسىزدى تىركەۋگە مىندەت­تى. ەگەر دە تىركەۋدەن باس تارتىپ جاتقان جاعداي­لار­دا ءسىز بىزگە شاعىمدانىڭىز, – دەپ جاۋاپ قايتار­دى پارلامەنت ءماجىلىسىنىڭ دەپۋتاتى زاعيپا باليەۆا. سونىمەن قاتار, كەزدەسۋدە ۇلتتىق بىرىڭعاي تەستىلەۋدىڭ جاڭا رەفورماسى, بىلىكتى مامانداردىڭ جەتىسپەۋى, قاجەتتى تەحنولوگيالاردى ساتىپ الۋعا قاراجاتتىڭ از ءبولىنۋى تۋرالى سۇراقتار قويىلدى. جاقسىباي سامرات, «ەگەمەن قازاقستان» استانا