وڭىرلەرگە دە ورەلى جۇمىس كەرەك

قازاقستان پرەزيدەنتى نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋى – مەملەكەتتىڭ شىن مانىندەگى تاعى ءبىر بەلەسىن ايقىنداعان وقيعا بولىپ وتىر. جولداۋدى تالقىلاۋ ماقساتىندا جامبىل وبلىستىق اكىمدىگىندە اكتيۆ جيىنى ءوتتى. جيىندا وبلىس اكىمى كارىم كوكىرەكباەۆ بايانداما جاساپ, جولداۋداعى بىرقاتار ماڭىزدى مىندەتتەردى اتاپ ءوتتى. – بيىلعى جولداۋدا دا ءوت­كەن كەزەڭنىڭ قورىتىندىسى شىعا­رى­لىپ, الداعى ماقسات-مىندەتتەر ايقىن­دالدى. ەلباسى ايتقانداي, ەل تاۋەل­سىزدىگىنىڭ 25 جىلىندا ەكى جاڭعىرۋ كەزەڭى­نەن وتتىك. ەندىگى كۇن تارتىبىندە قازاقستاننىڭ ءۇشىنشى جاڭ­­عىرۋى جونىندەگى مىندەت تۇر. ماق­ساتى – ەلدىڭ جاھان­دىق باسەكە­گە قابى­­لەتتىلىگىن قام­تاماسىز ەتۋ, ەكو­نو­ميكالىق ءوسىم­نىڭ جاڭا مودەلىن قۇرۋ. بۇل ماقساتتارعا جەتۋ ءۇشىن «قازاق­ستاننىڭ ۇلتتىق تەحنو­لوگيا­لىق باستاماسى» دەپ اتالا­تىن دامۋدىڭ 2025 جىلعا دەيىنگى سترا­تەگيالىق اۋقىمدى جوسپارى ءازىر­لەنەتىن بولادى. حالىقتىڭ تۇرمى­سىنا «تسيفرلىق قازاق­ستان», IT-ستار­تاپ­تاردىڭ حالىق­ارالىق تەحنو­پاركى سياقتى يننوۆاتسيالار قول­دانىس­قا ەنگى­زىلمەك, – دەدى وبلىس باسشىسى. سونداي-اق, كارىم كوكىرەكباەۆ جولداۋدا اۋىل شارۋاشىلى­­عى سالا­سىنا ەرەكشە ءمان بەرىل­گە­نىن دە اتاپ ءوتتى. بۇل رەتتە, اگرار­لىق ەكس­پورت­تىق ءونىم كولەمىن, اسىرە­سە, ۇلت­تىق برەند بولاتىن ەكولو­گيا­لىق تازا تاعامدار ءونى­مىن ارتتىرۋ ءمىن­دەتى جۇكتەلىپ وتىر­عانىن دا ايتتى. جيىندا ەلباسى جولداۋىندا ايتىلعان ماڭىزدى مىندەتتەر مەن ماقساتتاردى, ناقتى تاپسىر­مالاردى باعدارلاعان وبلىس باسشىسى كارىم كوكىرەكباەۆ وب­لىستىق اۋىل شارۋا­شىلىعى باس­قارماسى مەن اۋدان اكىم­دەرىنە, ءتيىستى قۇزىرلى ورگاندارعا سۋب­سي­ديالاردى ءبولۋ قاعيدالارىن قايتا قاراستىرۋ بارىسىندا ۇسى­نىستار بەرۋدى جانە بيىلعى جىلى مىندەتتى ساقتاندىرۋ كولەمىن 70-75 پايىزعا جەتكىزۋدى, بۇل رەتتە, ەكونو­ميكا جانە بيۋدجەتتىك جوسپارلاۋ مەن اۋىل شارۋاشىلىعى باسقارما­لارى وسى جۇمىستاردى ارى قاراي جال­عاستىرۋعا قاجەتتى قاراجات كولەم­دەرىن ناقتىلاپ, ۇسىنىس بەرۋدى, ەلىمىزدىڭ اۋىل شارۋا­شى­لىعى مينيسترلىگىنەن قۇرىلاتىن كوو­پە­راتيۆ جانە وعان تارتىلا­تىن ءۇي شارۋاشىلىقتارى مەن فەر­مەر­لەر جوسپارىن انىقتاپ, ءتيىستى شارالاردى قولعا الۋدى جانە وزگە دە سالالار بويىنشا جۇمىس ىستەۋدى تاپسىردى. ءوز كەزەگىندە وبلىستىق قوعام­دىق كەڭەس­تىڭ توراعاسى جاندار كارىباي ۇلى جا­رىسسوزگە شىعىپ, جولداۋدىڭ قو­عام­دا جاقسى سيپات, ءماندى مازمۇنعا يە بولىپ وتىر­عانىن اتاپ ءوتتى. سون­داي-اق, باي­زاق اۋدانىنداعى «جادىرا ي ك» اۋىل شارۋاشىلىعى ءوندى­رىس­­­تىك كوو­پەراتيۆىنىڭ ءتورايىمى گۇل­نار داۋلەتباەۆا, وبلىستىق ءماس­لي­­­حات­­­تىڭ دەپۋتاتى گۋلام ۋماروۆ جانە م.ح.دۋلاتي اتىن­داعى تا­راز مەم­لەكەتتىك ۋنيۆەر­سي­تەتىنىڭ اعا وقىتۋ­شىسى, جاس عالىم ايدار ءابىل­داەۆ ەلباسى جول­داۋىن­دا ايتىلعان اۋىل شارۋا­شى­لىعى, دەنساۋلىق ساق­­تاۋ, ءبىلىم بەرۋ سالا­لارى بو­يىن­شا ءوز ويلارىن ورتاعا سالدى. حاميت ەسامان, «ەگەمەن قازاقستان» جامبىل وبلىسى