قازاقستاندا رەفريجەراتورلى-كونتەينەرلىك پويىز جۇرە باستادى

«قازاقستان تەمىر جول» ۇك» اق ەنشىلەس كومپانياسى «KTZ Express» اق-ى «RTSB GmbH», «بەلينتەرترانس–گەرمانيا» جانە«Euro-BRICS» كومپانيالارىمەن بىرلەسىپ بولاشاعى زور حەرنە (گەرمانيا)- لانچجوۋ (قحر) باعىتى بويىنشا العاشقى رەفريجەراتورلى-كونتەينەرلىك پويىزىن ىسكە قوستى, دەپ ءمالىم ەتتى «KTZ Express» اق-ى ءباسپاسوز قىزمەتى. «KTZ Express» اق-نىڭ  جالپى سانى  430 دانا -25°س دو +25°س ارالىعىنداعى كليماتتىق رەجيمدى ساقتاپ تۇراتىن ارنايى كونتەينەرلىك پاركى بار. كومپانيا ەرەكشە تەمپەراتۋرالىق رەجيمدى تالاپ ەتەتىن جۇكتى الەمنىڭ كەز كەلگەن جەرىنە جىلدىڭ قاي مەزگىلىندە دە جەتكىزە الادى. تۇڭعىش رەفريجەراتورلى-كونتەينەرلىك پويىز تەز بۇزىلاتىن تاۋار تيەگەن 45 توننالىق 40 رەفكونتەينەردەن تۇرادى. تاسىمالعا تاپسىرىس بەرۋشى –فرانتسياداعى  ەليتالىق سۇرىپتى شاراپ شىعارۋشى زاۋىت. پويىز قۇراماسى حەرنە قالاسىنان 2016 جىلدىڭ 27 جەلتوقسانىندا شىعىپ, قازاقتاننىڭ يلەتسك ستانساسىنا 2017 جىلدىڭ 5 قاڭتارىندا كەلىپ جەتتى. ايتا كەتكەن ءجون, اتالعان باعىت بويىنشا تەڭىز كولىگىمەن جۇك جەتكىزۋ 45 كۇندى قۇرايدى. ال تەمىرجولدىڭ وسىناۋ لوگيستيكالىق شەشىمى ۋاقىتتى قىسقارتىپ قانا قويماي, تەز بۇزىلاتىن جانە قوسىمشا قۇنى جوعارى جۇكتەردى جەتكىزەدى. جاڭا لوگيستيكالىق قىزمەت تەمپەراتۋرالىق رەجيمدى تالاپ ەتەتىن جۇكتى تاسىمالداۋ كولەمىن ارتتىرۋعا قارقىن بەرىپ,  ول ءوز كەزەگىندە ەكونوميكانىڭ نىعايىپ, ەلدىڭ ترانزيتتىك الەۋەتىنىڭ ارتۋىنا ىقپال ەتىپ, قازاقستان اۋماعى ارقىلى ەۋروپا-قىتاي باعىتىندا ترانزيتتىك تاسىمالدىڭ كولەمىن وسىرەدى.